Apeler

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Apeler
Laag vun Apeler in Düütschland
Basisdaten
Bundsland: Neddersassen
Landkreis: Cuxhoben
Gemeen: Schippdörp
Inwahners:
Postleettall: 27619
Vörwahl: 04706
Geograafsche Laag:
Koordinaten:53° 31′ N, 8° 40′ O
53° 31′ N, 8° 40′ O

Apeler (hoochdüütsch Apeler) is en Dörp in de Gemeen Schippdörp in’n Landkreis Cuxhoben, Neddersassen. De Oort höört polietsch to de Oortschop Schippdörp binnen de Gemeen.

Geografie[ännern | Bornkood ännern]

De Oort liggt dicht bi de Rohr, de in’n Süden langs flütt. In’n Noorden liggt dat Naturschuulrebeed Sellster See un Ossendriftmoor. In’n Westen liggt de Apeler See, de eerst in de Johren 1970 anleggt worrn is, as hier Sand för de Autobahn 27 afboot worrn is.

De Naveröörd sünd Bramel in’n Noordoosten, Sellst mit Pennhoop in’n Oosten, Hosermöhlen un Donnern in’n Süüdoosten, Bexhöv in’n Süden, Nückel, Lox un Hogewort in’n Süüdwesten, Wulsdörp in’n Westen un Suurheid un Schippdörp in’n Noordwesten. Wulsdörp un Suurheid sünd Stadtdelen von Bremerhoben.

Historie[ännern | Bornkood ännern]

In de Franzosentied von 1810 bet 1814 hett de Oort to de Mairie Wulsdörp in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to’n Bezirk von dat Borggericht Oolluunbarg in dat Gericht Beverst tohöört. Von 1851 bet 1859 weer de Oort denn in dat Amt Beverst un von 1859 bet 1885 in dat Amt Leh. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort is 1929 Deel von de Gemeen Schippdörp worrn.

In’n Eersten Weltkrieg sünd dree Soldaten ut Apeler fullen oder vermisst.[1]

Inwahnertall[ännern | Bornkood ännern]

Johr Inwahners
1793-00-001793[2] 6 Füürsteden
1812-00-001812[3] 41
1824-00-001824[4] 6 Füürsteden
1848-00-001848[5] 37 Lüüd. 8 Hüüs
1871-12-011. Dezember 1871[6] 45 Lüüd. 7 Hüüs
1910-12-011. Dezember 1910[7] 49

Religion[ännern | Bornkood ännern]

Apeler is evangeelsch-luthersch präägt un höört to dat Kaspel von de Martin-Kark in Schippdörp.

Kultur[ännern | Bornkood ännern]

In Apeler steiht en Denkmaal för de Fullenen ut de twee Weltkrieg’.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Apeler liggt an en lütte Blangenstraat von de Kreisstraat 58, de in’n Noordwesten över Schippdörp na Bremerhoben rin geiht un in’n Oosten in Sellst an de Landsstraat 143 ran.

De nächste Autobahn is de Autobahn 27. De Opfohrt 8 Geestmünn liggt so fiev Kilometer in’n Noordwesten von Apeler.

De nächste Bahnhoff is so bi veer Kilometer wied weg in’n Oosten de Bahnhoff Sellst an de Bahnlien Bremerhoben–Buxthu.

Footnoten[ännern | Bornkood ännern]

  1. http://www.denkmalprojekt.org/2009/schiffdorf-apeler_wk1_ns.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 10: https://books.google.de/books?id=jN5QAAAAcAAJ&pg=RA1-PA10
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 101: http://books.google.de/books?id=Q 5OAAAAcAAJ&pg=PA101
  4. C. H. Jansen: Statistisches Handbuch des Königreichs Hannover. 1824, Sied 22: http://books.google.de/books?id=tG0AAAAAcAAJ&pg=RA1-PA22
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 149: http://books.google.de/books?id=eOI-AAAAcAAJ&pg=PA149
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150: https://books.google.de/books?id=qTZDAQAAMAAJ&pg=RA2-PA150
  7. http://www.gemeindeverzeichnis.de/gem1900/gem1900.htm?hannover/geestemuende.htm