Mairie Wulsdörp

Vun Wikipedia
Zur Navigation springen Zur Suche springen

De Mairie Wulsdörp weer in de Franzosentied (1810 bet 1813) een von de fiev Mairien, in de de Kanton Bremerleh indeelt weer. De Seet weer in Wulsdörp. Se harr 1764 Inwahners.[1]

Historie[ännern | Bornkood ännern]

De Ümgegend von Wulsdörp hett vör de Franzosentied to dat Amt Stotel-Vieland in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Wulsdörp een von de acht Mairien in’n Kanton Stotel von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Wulsdörp weer nu een von de fiev Mairien in’n Kanton Bremerleh, Distrikt Bremerleh, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to fiev Mairien höört harrn: de Mairie Wulsdörp ut’n Kanton Stotel un de Mairien Schippdörp, Geestendörp, Bramel un Sellst ut’n Kanton Bremerleh. Von de Mairie Sellst is blots de Oort Apeler in de Mairie Wulsdörp wesselt. De Oort Sellst is an de Mairie Bexhöv gahn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Gemeen Schippdörp un de Stadt Bremerhoben.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 101
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 15