Geestendörp

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Geestendörp
Laag vun Geestendörp in Düütschland
Basisdaten
Bundsland: Bremen
Gemeen: Bremerhoben
Flach: 1,17 km²
Inwahners: 10.759 (2011-12-3131. Dezember 2011)
Inwahnerdicht: 9.195,7 Inwahners pro km²
Postleettall: 27570
Vörwahl: 0471
Geograafsche Laag:
Koordinaten:53° 32′ N, 8° 36′ O
53° 32′ N, 8° 36′ O

Geestendörp (hoochdüütsch Geestendorf) is en Stadtdeel von de Stadt Bremerhoben in’t Bundsland Bremen.

Geografie[ännern | Bornkood ännern]

Geestendörp liggt dicht bi de Werser an dat rechte Över von’n Stroom.

De Stadtdeel reckt von de Bismarckstraat in’n Noorden bet na de Hamborger Straat in’n Süden un von de Bahnlien Bremen-Cuxhoben in’n Oosten bet na de Riedemannstraat in’n Westen.

De Naverstadtdelen sünd Geestmünn-Noord in’n Noorden, Börgerpark in’n Oosten, op en lütt Enn Gröönhöben in’n Süüdoosten, Geestmünn-Süüd in’n Süden un de Fischereehoben in’n Westen.

Historie[ännern | Bornkood ännern]

Dat Dörp Geestendörp kummt 1139 as Gestenthorpe toeerst in en Oorkunn vör, in de de Ridder Trutbert en Deel von sien Besitt an dat St.-Paul-Klooster in Bremen schenkt.

1628 hett Tilly de Geestendörper Schanz boon laten.

1847 is op Geestendörper Buurnland de Haven Geestmünn nee grünnt worrn.

Geestendörp hett fröher tohoop mit Bramel, Schippdörp un Wulsdörp to dat Vieland tohöört. Later weer dat in dat Amt Stotel-Vieland. In de Franzosentied von 1810 bet 1813 weer Geestendörp Deel von de Kommuun Wulsdörp. In de Tied vör 1885 weer dat Dörp in de Amtsvaagdie Geestendörp von dat Amt Leh un denn von 1885 bet 1932 in’n Kreis Geestmünn. De Oort weer aver von 1888 af an nich mehr egenstännig un is in dat Johr mit Geestmünn to een Gemeen tohoopleggt worrn. Geestmünn sülvs hett ok blots bet 1924 as egenstännige Gemeen bestahn un is denn Deel von Wersermünn worrn. 1947 denn is Wersermünn to de Stadt Bremerhoben worrn un hett to dat Bundsland Bremen tohöört.

Inwahnertall[ännern | Bornkood ännern]

Johr Inwahners
1813-00-001813 491
1824-00-001824[1] 93 Füürsteden
1848-00-001848[2] 967 Lüüd. 141 Hüüs
1885-00-001885 9.404
2013-12-3131. Dezember 2013[3] 11.227

Religion[ännern | Bornkood ännern]

Marienkark

Geestendörp is evangeelsch-luthersch präägt un hett mit de Marienkark en egen Kark. En Kapell in Geestendörp kummt 1420 in dat Stoder Kopiar toeerst in de Oorkunnen vör, dat von en Capella in Gesztendorppe snackt. Disse Kapell warrt aver al 1436 as Ruin betekent. In de nakamen Tied is denn de hüdige Kark boot worrn.

Kultur[ännern | Bornkood ännern]

Verenen[ännern | Bornkood ännern]

De Freewillige Füürwehr Geestendörp is 1858 grünnt worrn.

Infrastruktur[ännern | Bornkood ännern]

Verkehr[ännern | Bornkood ännern]

De nächste Bahnhoff is de Hauptbahnhoff Bremerhoben an de Bahnlien Bremen-Cuxhoben un Bremerhoben-Buxthu, de op Geestendörper Rebeed liggt.

Lüüd[ännern | Bornkood ännern]

De Historiker Martin Mushard weer von 1729 af an Pastoor in Geestendörp un is dor ok 1770 doodbleven. De Koopmann Carl Stegmann is 1881 in Geestendörp boren.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 204: http://books.google.de/books?id=tG0AAAAAcAAJ&pg=PA204
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
  3. http://www.mein-geestemuende.de/geestemuende/ortsteile/geestendorf/