Nückel

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Nückel (Mehrdüdig Begreep).

Wapen/Flagg Koort
Wapen unbekannt
Nückel
Laag vun Nückel in Düütschland
Basisdaten
Bundsland: Neddersassen
Landkreis: Cuxhoben
Gemeen: Lox
Inwahners:
Hööchd: 4 m över NHN
Postleettall: 27612
Vörwahl: 04703
Geograafsche Laag:
Koordinaten:53° 30′ N, 8° 40′ O
53° 30′ N, 8° 40′ O

Nückel (hoochdüütsch Nückel) is en lütt Dörp in de Gemeen Lox in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Bexhöv.

Ok en Deel von’n lüttjen Oort Dünenfähr hett mit to Nückel höört.

Geografie[ännern | Bornkood ännern]

De Oort liggt op de Wersermünner Geest. Dat Water ut dat Rebeed warrt över Gravens na de Rohr hen afföhrt, de an’n Noordrand von Nückel langsflütt.

De Naveröörd sünd Schippdörp un Apeler in’n Noorden, Junkernhoos, Hosermöhlen un Sellst in’n Noordoosten, Donnern in’n Oosten, Bexhöv in’n Süüdoosten, Dünenfähr in’n Süden, Lox in’n Süüdwesten, Hogeworth in’n Westen un Wulsdörp un Suurheid in’n Noordwesten.

Historie[ännern | Bornkood ännern]

Goodshuus von Good Nückel

Dat Dörp Nückel geiht trügg op dat Good Nückel, dat 1139 as Nucla toeerst in de Oorkunnen vörkummt.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Bexhöv in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to’n Bezirk von dat Borggericht Oolluunbarg in de Huusvaagdie Oolluunbarg von dat Gericht Beverst tohöört un denn von 1851 bet 1859 to dat Amt Beverst. Von 1859 bet 1885 weer de Oort in dat Amt Leh un na 1885 in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort weer fröher en egenstännige Gemeen, is aver 1929 denn Deel von de Gemeen Bexhöv worrn. Mit de Gemeenreform in Neddersassen an’n 1. März 1974 is Bexhöv an de Gemeen Lox kamen. Binnen de Gemeen Lox höört Nückel nu to de Oortschop Bexhöv.

Inwahnertall[ännern | Bornkood ännern]

Johr Inwahners
1791-00-001791[1] 10 Füürsteden
1812-00-001812[2] 48
1824-00-001824[3] 10 Füürsteden
1848-00-001848[4] 48 Lüüd. 9 Hüüs
1871-12-011. Dezember 1871[5] 49 Lüüd. 10 Hüüs
1885-12-011. Dezember 1885[6] 30 Lüüd. 6 Hüüs
1905-12-011. Dezember 1905[7] 25 Lüüd. 5 Hüüs
1910-12-011. Dezember 1910[8] 30*
* tohoop mit Dünenfähr

Religion[ännern | Bornkood ännern]

Nückel is evangeelsch-luthersch präägt un höört to dat Kaspel von de Johannes-de-Döper-Kark in Bexhöv.

För de Kathoolschen is de Hillig-Hart-Jesu-Kark in Geestmünn tostännig.

Weertschop un Infrastruktur[ännern | Bornkood ännern]

För Nückel is de freewillige Füürwehr Bexhöv mit tostännig.

Verkehr[ännern | Bornkood ännern]

Nückel liggt an en Siedenstraat von de Bundsstraat 71, de in’n Westen bi Wulsdörp in de B 6 münnt un in’n Oosten över Bexhöv un Beverst na Bremervöör geiht.

De nächste Autobahn is de Autobahn 27 (Afsnidd BremenBremerhoben). De Opfohrt 9 Wulsdörp liggt dree Kilometer in’n Westen von Nückel an de B 71.

De nächste Bahnhoff is so bi veer Kilometer wied weg in’n Süden de Bahnhoff Lox an de Bahnlien Bremen–Bremerhoben.

Scholen[ännern | Bornkood ännern]

De Kinner ut Nückel gaht na de Grundschool Bexhöv.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 169
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 450
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 152
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52
  8. Inwahnertallen op gemeindeverzeichnis.de