Mönkhoff

Vun Wikipedia

De Mönkhoff (hoochdüütsch Münchhof) is en Hoff in Eestbrügg, de fröher en Eddelgood weer. De Hoff liggt vondaag in de Gemeen Jörk in’n Landkreis Stood, Neddersassen. Dat is in de twete Miel von Oolland.

Historie[ännern | Bornkood ännern]

Dat Eddelgood Mönkhoff hett de Familie von Behr tohöört.

1618 hett Diedrich Behr ut de öllere Lien von de Familie Behr för 10.000 Speciesdaler den Andeel an dat Good Mönkhoff köfft, de vörher Jacob Behr ut de jüngere Lien von de Familie tohöört hett.[1]

Nadem Friedrich Behr 1782 doodbleven is, is dat Good tohoop mit dat Good Heien an Diedrich Georg Ludewig Behr fullen.[2] As Diedrich Georg Ludewig Behr 1792 doodbleven is, is dat Good in gemeensamen Besitt von siene Söhns bleven.[2]

Dat Good hett de Familie Behr bet in dat 20. Johrhunnert tohöört.

Verwaltungsgeschicht[ännern | Bornkood ännern]

De Hoff hett vör 1852 to de Hauptmannschop Moorenn von dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.

De Hoff hett polietsch bi (Wester-)Moorenn mit bihöört, ofschoonst he in Eestbrügg liggt. An’n 1. Juli 1972 sünd Moorenn un Eestbrügg mit de Gemeenreform in Neddersassen Deel von de Gemeen Jörk worrn.

Inwahnertall[ännern | Bornkood ännern]

Johr Inwahners
1791-00-001791[3] 1 Füürsteed
1824-00-001824[4] 1 Füürsteed
1848-00-001848[5] 14 Lüüd, 2 Hüüs
1871-12-011. Dezember 1871[6] 18 Lüüd, 2 Hüüs
1885-12-011. Dezember 1885[7] 10 Lüüd, 1 Huus

Religion[ännern | Bornkood ännern]

De Mönkhoff is evangeelsch-luthersch präägt un höört to dat Kaspel von de Martini-Kark in Eestbrügg.

Footnoten[ännern | Bornkood ännern]

  1. Friedrich Vogell: Versuch einer Geschlechtsgeschichte des hochadelichen Hauses der Herren Behr. Schweiger & Pick, Celle 1815, Sied 102
  2. a b Friedrich Vogell: Versuch einer Geschlechtsgeschichte des hochadelichen Hauses der Herren Behr. Schweiger & Pick, Celle 1815, Sied 132
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 158
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 418
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 144
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149