Königriek (Jörk)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Königriek

Königriek
Laag vun Königriek in Düütschland
Basisdaten
Bundsland: Neddersassen
Landkreis: Stood
Gemeen: Jörk
Inwahners:
Postleettall: 21635
Vörwahl: 04162
Geograafsche Laag:
Koordinaten:53° 32′ N, 9° 44′ O
53° 32′ N, 9° 44′ O

Appelbööm in Königriek

Königriek (hoochdüütsch Königreich) is en Dörp in de Gemeen Jörk in’n Landkreis Stood, Neddersassen.

Geografie[ännern | Bornkood ännern]

Königriek liggt in de Masch glieks achtern Eestdiek un höört to Oolland. Dat liggt an de Grenz na dat Bundsland Hamborg.

De Naveröörd sünd Kohlenhusen un Achterbraak in’n Noorden, Leeswig un Cranz in’n Noordoosten, Rübk in’n Süüdoosten, Hoov un Eestbrügg in’n Süden un Jörk in’n Westen.

Historie[ännern | Bornkood ännern]

Vör 1885 weer Königriek in’t Amt Jörk, hett denn bet 1932 to’n Kreis Jörk höört un is denn Deel von’n Landkreis Stood worrn.

Königriek is mit de Gemeenreform in Neddersassen an’n 1. Juli 1972 Deel von de Gemeen Jörk worrn.

In’n Eersten Weltkrieg sünd 30 Soldaten ut Königriek fullen oder vermisst[1].

Inwahnertall[ännern | Bornkood ännern]

Johr Inwahners
1848-00-001848[2] 1.229 Lüüd. 181 Hüüs
1910-12-011. Dezember 1910[3] 787
1925-00-001925[4] 813
1933-00-001933[4] 995
1939-00-001939[4] 1.009

Religion[ännern | Bornkood ännern]

Königriek is evangeelsch-luthersch präägt un höört to dat Kaspel von de Martini-Kark in Eestbrügg.

För de Kathoolschen is de St.-Maria-Kark in Buxthu tostännig.

Kultur[ännern | Bornkood ännern]

In Königriek steiht en Denkmaal för de Fullenen ut den Eersten Weltkrieg.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Königriek liggt an de Kreisstraat 39, de in’n Noordoosten na Cranz löppt un in’n Süüdwesten na Eestbrügg. Bi Eestbrügg drippt de K 39 op de Landsstraat 140, över de Königriek mit Jörk, Hoov un Neefeld verbunnen is. De Brügg över de Eest, de Deel von de L 140 is, is 1875 boot worrn.

De nächste Bahnhoff is de Bahnhoff Buxthu an de Nedderelvbahn.

Scholen[ännern | Bornkood ännern]

De Grundschool an de Eest is 1966 grünnt worrn un weer de eerste Tied en Grund- un Hauptschool. 1977 is de Hauptschool denn utlagert worrn. De School hett 14 Schoolmeesters (Stand 2011).

Ver- un Entsorgung[ännern | Bornkood ännern]

För dat Afwater is de Afwaterverband Oolland un Geestrand mit dat Klärwark Wetterndörp tostännig.

Footnoten[ännern | Bornkood ännern]

  1. http://www.denkmalprojekt.org/dkm_deutschland/jorkkoenig.htm
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144
  3. http://www.gemeindeverzeichnis.de/gem1900/gem1900.htm?hannover/jork.htm
  4. a b c http://www.verwaltungsgeschichte.de/jork.html

Weblenken[ännern | Bornkood ännern]

Commons-logo.svg Königriek (Jörk). Mehr Biller, Videos oder Audiodateien to’t Thema gifft dat bi Wikimedia Commons.