Leeswig

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Leeswig
Laag vun Leeswig in Düütschland
Basisdaten
Bundsland: Neddersassen
Landkreis: Stood
Gemeen: Jörk
Inwahners:
Postleettall: 21635
Vörwahl: 040
Geograafsche Laag:
Koordinaten:53° 32′ N, 9° 45′ O
53° 32′ N, 9° 45′ O

Leeswig (hoochdüütsch Leeswig) is en Oort in de Gemeen Jörk in’n Landkreis Stood, Neddersassen. De Oort höört polietsch von öllers bi Hoov mit bi.

Geografie[ännern | Bornkood ännern]

Leeswig liggt in de Masch von Oolland an de Eest, de denn in de Elv münnt. De Elv is en beten mehr as een Kilometer von’n Oort weg.

De Naveröörd sünd Achterbraak in’n Noorden, Cranz in’n Oosten, Neefeld in’n Süüdoosten, Groot Hoov in’n Süden, Königriek in’n Süüdwesten, Oosterjörk un Bossel in’n Westen un Kohlenhusen in’n Noordwesten.

Historie[ännern | Bornkood ännern]

In de Franzosentied von 1810 bet 1814 hett de Oort to de Mairie Eestbrügg un Moorenn-Oostsied in’n Kanton Buxthu höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Gericht Hoov-Leeswig tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.

Bet 1879 hett Leeswig tohoop mit en Deel von Hoov de Gemeen Hoov-Leeswig billt. As disse Gemeen oplööst worrn is, keem Leeswig an de Gemeen Königriek, de mit de Gemeenreform in Neddersassen an’n 1. Juli 1972 Deel von de Gemeen Jörk worrn is.

Inwahnertall[ännern | Bornkood ännern]

Johr Inwahners
1791-00-001791[1] 84 Füürsteden
1824-00-001824[2] 84 Füürsteden
1848-00-001848[3] 187 Lüüd. 30 Hüüs
1871-12-011. Dezember 1871[4] 194 Lüüd. 32 Hüüs
1885-12-011. Dezember 1885[5] 35 Hüüs

Religion[ännern | Bornkood ännern]

Leeswig is evangeelsch-luthersch präägt un höört to dat Kaspel von de St.-Martini-Kark in Eestbrügg.

För de Kathoolschen is de St.-Maria-Kark in Buxthu tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Leeswig löppt de Kreisstraat 39, de in’n Süüdwesten över Königriek, Eestbrügg un Neeland na Buxthu geiht un in’n Noordoosten na Cranz. In Eestbrügg drippt de K 39 op de Landsstraat 140, de ünner annern naa Jörk geiht.

De nächste Autobahn is de Autobahn 26 (Afsnidd StoodHamborg). De Opfohrt 6 Jörk liggt so teihn Kilometer in’n Süüdoosten von Leeswig.

De nächste Bahnhoff is so bi teihn Kilometer wied weg in’n Süüdoosten de Bahnhoff Buxthu an de Nedderelvbahn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 139
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 366
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 150
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148