Neeland (Gemeen Buxthu)

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Neeland

Neeland
Laag vun Neeland in Düütschland
Basisdaten
Bundsland: Neddersassen
Landkreis: Stood
Gemeen: Buxthu
Inwahners:
Postleettall: 21614
Vörwahl: 04161
Geograafsche Laag:
Koordinaten:53° 29′ N, 9° 43′ O
53° 29′ N, 9° 43′ O

Neeland (hoochdüütsch Neuland) is en Dörp in de Gemeen Buxthu in’n Landkreis Stood, Neddersassen.

Geografie[ännern | Bornkood ännern]

Neeland liggt as Stratendörp an de Grenz von Masch, Moor un Geest an dat linke Över achtern Eestdiek un an de Grenz na Oolland, warrt dor sülvs aver nich totellt.

De Naveröörd sünd Eestbrügg in’n Noorden, Moorenn in’n Noordoosten, Rübk in’n Oosten, Buxthu in’n Süden, Dammhusen in’n Süüdwesten un Loodkup in’n Noordwesten.

Historie[ännern | Bornkood ännern]

Neeland kummt 1287 as Nova Terra tooerst in de Oorkunnen vör. Wohrschienlich is dat as Kolonie von dat Klooster Ooldklooster ut anleggt worrn. To Neeland höört von öllers ok dat Vörwark Vagelsang to.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Buxthu in’n Kanton Buxthu höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör’n 1. Juli 1823 to dat Amt Oold- un Neeklooster tohöört un denn bet 1852 to de Vaagdie Oold- un Neeklooster in dat Amt Harsfeld. In dat Johr is de Oort in dat Amt Hornborg wesselt. Dat Amt Hornborg is aber blots bet 1859 bestahn bleven un Neeland hett denn wedder to dat Amt Harsfeld höört. Mit’n 1. April 1885 is dat Amt oplööst worrn un de Oort is in’n Kreis Jörk wesselt. Neeland is 1931 Deel von de Gemeen Buxthu worrn un dorbi von’n Kreis Jörk na’n Kreis Stood wesselt.

Inwahnertall[ännern | Bornkood ännern]

Johr Inwahners
1791-00-00 1791[1] 38 Füürsteden
1812-00-00 1812[2] 131
1824-00-00 1824[3] 29 Füürsteden
1848-00-00 1848[4] 189 Lüüd. 29 Hüüs
1871-12-011. Dezember 1871[5] 148 Lüüd. 29 Hüüs
1885-12-011. Dezember 1885[6] 136 Lüüd. 26 Hüüs
1905-12-011. Dezember 1905[7] 121 Lüüd. 24 Hüüs
1910-12-011. Dezember 1910[8] 127
1925-00-00 1925[9] 143

Religion[ännern | Bornkood ännern]

Neeland is evangeelsch-luthersch präägt un höört to dat Kaspel von de Petrus-Kark in Buxthu. Neeland harr fröher de besünnere Situatschoon, dat de lebennigen Lüüd to dat Kaspel von de Petrus-Kark höört hebbt, de Doden aver in Ooldklooster begraven worrn sünd.

För de Kathoolschen is de St.-Maria-Kark in Buxthu tostännig.

Infrastruktur[ännern | Bornkood ännern]

Verkehr[ännern | Bornkood ännern]

Neeland liggt as Stratendörp an de Kreisstraat 39, de in’n Noorden na Eestbrügg un an de Landsstraat 140 ran löppt un in’n Süden na Buxthu un an de Bundsstraat 73 rangeiht. Annere Straten gifft dat nich.

De nächste Bahnhoff is de Bahnhoff Buxthu an de Nedderelvbahn.

Scholen[ännern | Bornkood ännern]

Neeland hett keen egen School, de Kinner gaht in Buxthu na School.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 164
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 57
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 436
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92
  8. Inwahnertallen op gemeindeverzeichnis.de
  9. Inwahnertallen op verwaltungsgeschichte.de