Kanton Buxthu

Vun Wikipedia
Wesseln na: Navigatschoon, Söök

De Kanton Buxthu weer as Kanton en Verwaltungsrebeed in de Franzosentied (1810-1813). De Seet weer Buxthu.

Historie[ännern | Bornkood ännern]

Dat Rebeed hett vörher to dat Hertogdom Bremen un dat Förstendom Lümborg (Kurförstendom Hannover) höört un hett dor to de Stadt Buxthu, dat Amt Mesborg un de Gerichten Oolland un Hoov-Leeswig tohöört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Buxthu een von de Kantons in’n Distrikt Horborg von dat Departement von de Nedderelv. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Buxthu weer nu een von de acht Kantons, ut de de Distrikt Lümborg in dat Departement von de Elvmünnen tohoopsett weer.

1813/1814 sünd de Franzosen slahn un dat Rebeed befreet worrn. Dat Kurförstendom Hannover is denn wedder herstellt worrn un de ole Stand von vör 1810 wedder dor.

De Kanton harr 10.132 Inwahners[1] un weer indeelt in veer Mairien:

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 57