Kanton Horborg
De Kanton Horborg weer as Kanton en Verwaltungsrebeed in de Franzosentied (1810-1813). De Seet weer Horborg. Kantonsmaire weer Johann Gottlieb Hansing.
Historie[ännern | Bornkood ännern]
Dat Rebeed hett vörher to dat Förstendom Lümborg (Kurförstendom Hannover) höört un hett dor to dat Amt Horborg tohöört. Moorborg hett vörher to de Stadt Hamborg höört.
An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.
Binnen Westfalen weer de Kanton Horborg een von de Kantons in’n Distrikt Horborg von dat Departement von de Nedderelv. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. Dorbi is denn ok Hamborg Deel von Frankriek un Moorborg an den Kanton anslaten worrn. De Kanton Horborg weer nu een von de acht Kantons, ut de de Distrikt Lümborg in dat Departement von de Elvmünnen tohoopsett weer.
1813/1814 sünd de Franzosen slahn un dat Rebeed befreet worrn. De Stadt Hamborg un dat Kurförstendom Hannover sünd denn wedder herstellt worrn un de ole Stand von vör 1810 wedder dor.
De Kanton harr 7569 Inwahners[1] un weer indeelt in twee Mairien:
Footnoten[ännern | Bornkood ännern]
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 59
Horborg | Hittfeld | Winsen | Garlstörp | Soltau | Visselhöövd | Töst | Mesborg | Buxthu | Willemsborg
