Johann Gottlieb Hansing

Vun Wikipedia

Johann Gottlieb Hansing (* 19. November 1754 in Celle; † 24. März 1841 in Horborg) weer en düütschen Verwaltungsbeamten.

Hansing is 1754 in Celle boren. He hett Juristeree studeert und is 1777 von de Stadt Horborg as Auditer anstellt worrn. 1784 is he Stadtsekretär worrn un 1790 Stadt-Syndikus. De Amtstied as Syndikus is 1810 dör de Franzosentied ünnerbraken worrn. Hansing hett in de Franzosentied den Naam Jean Theophile Hansing föhrt un weer in de Tied von 1810 bet 1811 Maire von de Mairie Horborg un Kantonsmaire för de Kantons Horborg un Hittfeld. Na 1811 weer he Notar. Nadem de Franzosen an’t Enn von’n April 1814 ut Horborg wedder afrückt sünd, is de ole Stand wedderkamen un Hansing weer wedder Syndikus. Nadem he al 50 Johr för de Stadt Horborg arbeidt harr, is he in’n Oktober 1827 Börgermeester worrn. Dat weer, nadem in de Königlich Hannöversche Landdrostie Lümborg en ne’e Verwaltungsordnung för de Stadt inföhrt harr. Hansing is bet 1835 Börgermeester bleven. In dat Johr is he in Rohstand gahn. He is 1841 in Horborg doodbleven un op’n olen Horbörger Karkhoff begraven. De Graffsteen steiht ünner Denkmaalschuul.

Hansing harr den Söhn Heinrich Hansing (* 25. Dezember 1795).