Mairie Hasselwarder

Vun Wikipedia
Zur Navigation springen Zur Suche springen

De Mairie Hasselwarder weer in de Franzosentied (1811 bet 1813) een von de veer Mairien, in de de Kanton Buxthu indeelt weer. De Seet weer in Hasselwarder. Se harr 2878 Inwahners.[1]

Historie[ännern | Bornkood ännern]

De Ümgegend von Hasselwarder hett vör de Franzosentied to dat Grevengericht Oolland un to de Gerichten Nincop un Francop in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer Hasselwarder Deel von de Mairie Eestbrügg in’n Kanton Buxthu von’n Distrikt Horborg, Departement von de Nedderelv.[2] Man al to’n 1. Januar 1811 hett sik dat wedder ännert. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Hasselwarder is nee billt worrn un weer een von de veer Mairien in’n Kanton Buxthu, Distrikt Lümborg, Departement von de Elvmünnen. De Mairie is ut Öörd billt worrn, de vörher in Westfalen to twee Mairien höört harrn: de Mairie Eestbrügg ut’n Kanton Buxthu un de Mairie Cranz ut’n Kanton Jörk. Von de Mairie Eestbrügg hett de Mairie Hasselwarder de Öörd Hasselwarder, Nincop, Seehoff un Francop kregen. Von de Mairie Cranz is blots de Oostdeel an de Mairie Hasselwarder fullen. De annere Deel keem an de Mairie Eestbrügg.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Stadt Hamborg.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 57
  2. Bulletin des lois du Royaume de Westphalie. Königliche Bookdruckeree, Kassel 1810, Sied 45