Nincop
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Vörwahl: | 040 | |
| Geograafsche Laag: | Koordinaten:53° 31′ N, 9° 48′ O53° 31′ N, 9° 48′ O | |
|
| ||
Nincop is en Deel von de Stadt Hamborg (Bezirk Horborg, Stadtdeel Neefeld).
Geografie[ännern | Bornkood ännern]
Nincop liggt in’n Oosten von Oolland (drüdde Miel) in de Masch un löppt as Stratendörp in’n Süden von de Finkwarder Süderelv langs. De Anbo von Appels un Kassbeern is hier noch jümmer wichtig un dat gifft nooch en Reeg ole Neddersassenhüüs. In’n Süden von Nincop kummt na de Masch en Striepen Moor (Naturschuulrebeed Moorgördel) bevör de Geest denn anfangt.
In’n Noordoosten liggt Finkwarder, in’n Oosten Francop, in’n Süden Fischbeek un Vosshusen, in’n Süüdwesten Rübk mit Nincoperdiek, in’n Westen Hoov un in’n Noordwesten Cranz.
Historie[ännern | Bornkood ännern]
De Oort is wohrschienlich in dat 12. Johrhunnert grünnt worrn, as Hollanners in de Hollerkolonisation in Oolland Öörd grünnt hebbt. De Naam kummt von dat Woord nee un de Achtersülv -koop.
In’n Eersten Weltkrieg sünd 16 Soldaten ut Nincop fullen oder vermisst[1].
Verwaltungsgeschicht[ännern | Bornkood ännern]
Vör 1852 hett de Oort to dat Gericht Nincop tohöört un denn von 1852 bet 1885 to dat Amt Jörk. Von 1885 bet 1932 weer Nincop in’n Kreis Jörk un is denn Deel von’n Landkreis Horborg worrn. Nincop weer bet 1929 en egen Gemeen. In dat Johr is de Oort denn aver mit Hasselwarder to de Gemeen Neefeld tohoopleggt worrn. Mit dat Groot-Hamborg-Gesett von’ 1. April 1937 is de Oort denn an Hamborg kamen.
Inwahnertall[ännern | Bornkood ännern]
| Johr | Inwahners |
|---|---|
| 1848[2] | 634 Lüüd, 94 Hüüs |
| 1. Dezember 1910[3] | 696 |
Kultur[ännern | Bornkood ännern]
En Denkmaal för de Fullenen ut den Eersten Weltkrieg ut Hasselwarder un Nincop steiht bi’n Ne’en Karkhoff.
Weertschop un Infrastruktur[ännern | Bornkood ännern]
Na Nincoperdiek hen gifft dat en Windpark mit dree Windrääd.
Verkehr[ännern | Bornkood ännern]
Nincop liggt as Stratendörp an de Nincoper Straat, de in’n Westen över Hoov un Eestbrügg na Jörk löppt. In’n Oosten löppt de Straat na Francop. Na Süden geiht de Landsstraat 235 na Rübk un Vosshusen. De nächste Opfohrt op de Autobahn is so bi twölv Kilometer weg (Opfohrten Waltershoff un Moorborg op de Autobahn 7).
In’n Noordoosten von Nincop schall in Tokumst de Oortsumgehung Finkwarder langslopen un in’n Süden de Autobahn 26.
De nächste Bahnhoff von de S-Bahn Hamborg (Lien S3) is in Vosshusen.
Footnoten[ännern | Bornkood ännern]
- ↑ http://www.denkmalprojekt.org/dkm_deutschland/hh_nincop_hasselwerder.htm
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 8: http://books.google.de/books?id=eOI-AAAAcAAJ&pg=PA8
- ↑ http://www.gemeindeverzeichnis.de/gem1900/gem1900.htm?hannover/jork.htm