Nincoperdiek
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21629 | |
| Vörwahl: | 040 | |
| Geograafsche Laag: | Koordinaten:53° 30′ N, 9° 47′ O53° 30′ N, 9° 47′ O | |
|
| ||
Nincoperdiek (hoochdüütsch Nincoperdeich) is en Oort in de Gemeen Vosshusen in’n Landkreis Horborg, Neddersassen.
Geografie
[ännern | Bornkood ännern]De Oort liggt in de Masch von de Ünnerelv un dormit in Oolland. Na Süden to slütt sik Moor an.
De Naveröörd sünd Liedenkummer in’n Süden in’n Noorden, Fischbeek in’n Süüdoosten, Vosshusen in’n Süden, Rübk un Finkenriek in’n Süüdwesten, Moorenn in’n Westen un Hoov in’n Noordwesten.
Historie
[ännern | Bornkood ännern]Nincoperdiek hett fröher as Deel von Neefeld gullen. Anners as de Rest von Neefeld hett Nincoperdiek aver to Nincop höört un nich to Hasselwarder.
To Nincoperdiek höört ok de fröhere Oortsdeel Piep.
Verwaltungsgeschicht
[ännern | Bornkood ännern]Vör 1852 hett de Oort to dat Gericht Nincop tohöört un denn von 1852 bet 1885 to dat Amt Jörk. Von 1885 bet 1932 weer Nincoperdiek in’n Kreis Jörk un is denn Deel von’n Landkreis Horborg worrn.
De Oort hett fröher jümmer to de Gemeen Nincop tohöört, de 1929 aver mit Hasselwarder to de Gemeen Neefeld tohoopleggt worrn is. Dorbi is Nincoperdiek an de Gemeen Rübk afgeven worrn. Nadem Neefeld denn 1937 mit dat Groot-Hamborg-Gesett an Hamborg fullen is, is Nincoperdiek nu sogor in en anner Bundsland as Nincop.
Mit de Gemeenreform in Neddersassen to’n 1. Juli 1972 in Neddersassen is de Gemeen Rübk Deel von de Gemeen Vosshusen worrn.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 58 Lüüd, 10 Hüüs* |
| 1. Dezember 1871[2] | 67 Lüüd, 9 Hüüs |
| 1. Dezember 1885[3] | 57 Lüüd, 9 Hüüs |
| 1. Dezember 1905[4] | 48 Lüüd, 11 Hüüs |
- * tohoop mit de Piep
Religion
[ännern | Bornkood ännern]Nincoperdiek is evangeelsch-luthersch präägt un höört to dat Kaspel von de Pankratius-Kark in Neefeld.
För de Kathoolschen is de St.-Maria-Kark in Buxthu tostännig.
Weertschop un Infrastruktur
[ännern | Bornkood ännern]För Nincoperdiek is de freewillige Füürwehr Rübk mit tostännig.
Verkehr
[ännern | Bornkood ännern]Dör Nincoperdiek löppt de Landsstraat 235, de in’n Noorden na Neefeld geiht un in’n Süden as Bundsstraat 3n na Vosshusen un an de B 73. Von de L 235 geiht na Süüdwesten de Kreisstraat 19 af, de in’n Landkreis Stood as K 40 wiederlöppt na Buxthu.
De nächste Autobahn is de Autobahn 26 (Afsnidd Stood–Hamborg). De Opfohrt 6 Jörk liggt so twölv Kilometer in’n Westen von Nincoperdiek an de K 26. In Tokumst warrt de A 26 aver noch wieder boot un denn schall dat blots en poor hunnert Meter in’n Süden de Opfohrt 8 Vosshusen an de L 235/B 3n geven. De Opfohrt 32 Heimfeld op de Autobahn 7 (Afsnidd Hamborg–Hannover) liggt 13 Kilometer in’n Süüdoosten un de Opfohrt 44 Raad op de Autobahn 1 (Afsnidd Hamborg–Bremen) 16 Kilometer in’n Süden.
De nächste Bahnhoff is so bi acht Kilometer wied weg in’n Süüdwesten de Bahnhoff Buxthu an de Nedderelvbahn twüschen Cuxhoben un Hamborg. De Bahnhoff Vosshusen an de Lien S3 von de S-Bahn Hamborg liggt blots dree Kilometer in’n Süden.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 151
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92