Finkenriek

Vun Wikipedia
Wapen/Flagg Koort
hett keen Wapen
Finkenriek
Laag vun Finkenriek in Düütschland
Basisdaten
Bundsland: Neddersassen
Landkreis: Horborg
Gemeen: Vosshusen
Oortschop: Rübk
Inwahners:
Postleettall: 21629
Vörwahl: 040
Geograafsche Laag:
Koordinaten:53° 29′ N, 9° 45′ O
53° 29′ N, 9° 45′ O

Karte

Finkenriek (hoochdüütsch Finkenreich) is en Oort in de Gemeen Vosshusen in’n Landkreis Horborg, Neddersassen. Binnen de Gemeen Vosshusen höört de Oort to de polietsche Oortschop Rübk.

Finkenriek weer bet in dat 20. Johrhunnert separat von Rübk, warrt vondaag aver mehrstendeels as Deel von Rübk ansehn.

Geografie[ännern | Bornkood ännern]

De Oort liggt an’n Süüdrand von de Masch von Oolland hen na dat Moor, dat Oolland von de Geest trennt. Dat Water ut dat Rebeed warrt över de Landwettern na de Eest hen afföhrt.

De Naveröörd sünd Hoov in’n Noorden, Rübk in’n Oosten, Vosshusen in’n Süüdoosten, Buxthu mit Hogendannen un Weid in’n Süüdwesten, Neeland in’n Westen un Moorenn in’n Noordwesten.

Historie[ännern | Bornkood ännern]

In en Oorkunn von 1469 steiht, dat de Hoff Finkenriek mit 11 Morgen Land an en ne’en Pächter vergeven warrt, nadem he 60 Johr lang wööst legen hett.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Eestbrügg in’n Kanton Buxthu höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1823 to dat Amt Oold- un Neeklooster tohöört, von 1823 bet 1852 to de Vaagdie Ooldkloostergericht in dat Grevengericht Oolland un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Horborg worrn.

In dat 19. Johrhunnert hett de Oort to de Gemeen Ooldkloostergericht höört, is denn aver in de twete Hälft von dat 19. Johrhunnert Deel von de Gemeen Moorenn worrn. In de eerste Hälft von dat 20. Johrhunnert is Finkenriek von de Gemeen Moorenn in de Gemeen Rübk wesselt. De Gemeen Rübk is an’n 1. Juli 1972 mit de Gemeenreform in Neddersassen Deel von de Gemeen Vosshusen worrn.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 101
1824-00-001824[3] 16 Hüüs
1871-12-011. Dezember 1871[4] 94 Lüüd, 16 Hüüs
1885-12-011. Dezember 1885[5] 149 Lüüd, 26 Hüüs
1905-12-011. Dezember 1905[6] 51 Lüüd, 13 Hüüs

Religion[ännern | Bornkood ännern]

Finkenriek is evangeelsch-luthersch präägt un höört to dat Kaspel von de Martini-Kark in Eestbrügg.

För de Kathoolschen is de St.-Maria-Kark in Buxthu tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Finkenriek liggt an de Kreisstraat 19, de in’n Süüdwesten in de K 40 övergeiht un na Buxthu löppt. In’n Oosten löppt de K 19 bi Nincoperdiek an de L 235 ran, de in’n Noorden na Neefeld löppt un in’n Süden na Vosshusen.

De plaante Autobahn 26 (Afsnidd StoodHamborg) schall so bi 200 Meter süüdwarts von Rübk langslopen. De Opfohrt 8 Vosshusen liggt denn glieks bi Rübk an de L 235.

De nächste Bahnhoff is de Bahnhoff Buxthu an de Nedderelvbahn von Cuxhoben na Horborg un liggt bi söss Kilometer wied weg in’n Süüdwesten. Mit veer Kilometer noch dichter bi is de Bahnhoff Vosshusen, an den de Lien S3 von de S-Bahn Hamborg höllt.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 74
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 57
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 186
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92