Moorenn

From Wikipedia
Jump to navigation Jump to search

Disambig.svg Dit Woort hett noch annere Bedüden: kiek dorför ünner Moorenn (Leendaal).

Wapen/Flagg Koort
Wapen unbekannt
Moorenn
Laag vun Moorenn in Düütschland
Basisdaten
Bundsland: Neddersassen
Landkreis: Stood
Gemeen: Jörk
Inwahners:
Postleettall: 21635
Vörwahl: 04162
Geograafsche Laag:
Koordinaten:53° 30′ N, 9° 44′ O
53° 30′ N, 9° 44′ O

Eestborg in Moorenn
Oold Buurnhuus in Moorenn

Moorenn (hoochdüütsch Moorende) is en Dörp in de Gemeen Jörk in’n Landkreis Stood, Neddersassen.

Geografie[edit | edit source]

Moorenn liggt glieks achtern Diek op de rechte Sied von de Eest in de Masch.

De Naveröörd sünd Hoov un Königriek in’n Noorden, Neefeld in’n Noordoosten, Rübk in’n Süüdoosten, Buxthu un Neeland in’n Süden un Eestbrügg in’n Westen.

Historie[edit | edit source]

1607 hett de Familie Schult anfungen, de Eestborg to boon.

Moorenn hett von 1885 bet 1932 to’n Kreis Jörk tohöört (vörher to dat Amt Jörk). 1932 is dat denn Deel von’n Landkreis Horborg worrn. Mit de Gemeenreform in Neddersassen an’n 1. Juli 1972 is de Oort denn aver wedder von Horborg na’n Landkreis Stood wesselt un Deel von de Gemeen Jörk worrn.

In’n Tweten Weltkrieg sünd 38 Soldaten ut Moorenn fullen oder vermisst[1].

Inwahnertall[edit | edit source]

Johr Inwahners
1848-00-001848[2] 976 Lüüd. 151 Hüüs
1910-12-011. December 1910[3] 684
1933-00-001933[4] 547
1939-00-001939[4] 540

Börgermeesters[edit | edit source]

  • -30. Juni 1972: Hans Oehms[5]

Religion[edit | edit source]

Moorenn is evangeelsch-luthersch präägt un höört to dat Kaspel von de Martini-Kark in Eestbrügg.

För de Kathoolschen is de St.-Maria-Kark in Buxthu tostännig.

Kultur[edit | edit source]

En en Denkmaal för de Fullenen von Moorenn ut de twee Weltkrieg’ steiht in Eestbrügg.

Verenen[edit | edit source]

De Schützengill Eestbrügg un Ümgegend, bi de ok Moorenn bihöört, is 1612 grünnt worrn.

Weertschop un Infrastruktur[edit | edit source]

In Moorenn liggt de Obstbauversuchsanstalt, de 1935 grünnt worrn is.

Verkehr[edit | edit source]

Moorenn liggt an de Kreisstraat 83, de in’n Süden na Buxthu löppt un in’n Noorden an de Landsstraat 140 rangeiht. De L 140 löppt in’n Oosten na Neefeld un in’n Westen dör Königriek na Jörk. Mit en Brügg över de Eest is de Oort ok mit Eestbrügg verbunnen. Ans gifft dat noch en lüttjere Straat na Rübk.

De nächste Bahnhoff is de Bahnhoff Buxthu an de Nedderelvbahn.

Ver- un Entsorgung[edit | edit source]

För dat Afwater is de Afwaterverband Oolland un Geestrand mit dat Klärwark Wetterndörp tostännig.

Footnoten[edit | edit source]

  1. http://www.denkmalprojekt.org/dkm_deutschland/jork_estebr_wk.htm
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 143: http://books.google.de/books?id=eOI-AAAAcAAJ&pg=PA143
  3. http://www.gemeindeverzeichnis.de/gem1900/gem1900.htm?hannover/jork.htm
  4. a b http://www.verwaltungsgeschichte.de/harburg.html
  5. Gebietsänderungsvertrag vom 20. Juni 1972

Weblenken[edit | edit source]