Seehoff (Oolland)

Vun Wikipedia
Zur Navigation springen Zur Suche springen

Seehoff (hoochdüütsch Seehof) is en Hoff, de to Hoov in de Gemeen Jörk in’n Landkreis Stood, Neddersassen, höört un en Wahnsiedlung op de anner Sied von de Landsgrenz na Hamborg. De Wahnsiedlung liggt in’n Stadtdeel Neefeld (Bezirk Horborg).

Geografie[ännern | Bornkood ännern]

De Oort liggt in de Masch von de Elv in Oolland. Dat Water ut dat Rebeed flütt över Wettern af na de Eest.

De Öörd ümto sünd Cranz in’n Noorden, Liedenkummer (Noorden) in’n Noordoosten, Hasselwarder in’n Oosten, Liedenkummer (Süden) in’n Süüdoosten, Nincoperoort in’n Süüdwesten un Hoov in’n Westen.

Historie[ännern | Bornkood ännern]

Seehoff weer bet in dat 19. Johrhunnert blots en enkelten Hoff. De Hoff weer en Domään. Bet in dat 20. Johrhunnert is de Oort op dree Hööv anwussen. In de Johren 1950 un 1960 sünd dör de Warft J. J. Sietas veel Gastarbeiders na Neefeld kamen. För disse Arbeiders is bi Seehoff en Wahnsiedlung anleggt worrn. Dorüm gifft dat ok vondaag noch veel Migranten in Seehoff, ünner annern Kurden un Törken.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hasselwarder in’n Kanton Buxthu höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1823 to dat Amt Oold- un Neeklooster tohöört un denn von 1823 bet 1852 to de Hauptmannschop Hasselwarder in dat Grevengericht Oolland. Von 1852 bet 1885 weer dat in dat Amt Jörk un na 1885 in’n Kreis Jörk. 1932 is dat Deel von’n Kreis Horborg worrn.

De Oort hett von öllers bi Hasselwarder mit bihöört. De Gemeen Hasselwarder is 1929 mit Nincop to de Gemeen Neefeld tohoopgahn. As dat Groot-Hamborg-Gesett an’n 1. April 1937 in Kraft treden is, keem Neefeld an de Stadt Hamborg. De Seehoff aver is von Neefeld aftrennt worrn un keem an de Gemeen Hoov in’n Kreis Horborg, de mit de Gemeenreform in Neddersassen an’n 1. Juli 1972 Deel von de Gemeen Jörk in’n Landkreis Stood worrn is.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 10
1824-00-001824[3] 1 Füürsteed
1848-00-001848[4] 15 Lüüd, 2 Hüüs
1871-12-011. Dezember 1871[5] 14 Lüüd, 3 Hüüs
1885-12-011. Dezember 1885[6] 20 Lüüd, 3 Hüüs
1905-12-011. Dezember 1905[7] 16 Lüüd, 3 Hüüs

Religion[ännern | Bornkood ännern]

Seehoff is evangeelsch-luthersch präägt un höört to dat Kaspel von de Pankratius-Kark in Neefeld.

För de Kathoolschen is de Hillig-Krüüz-Kark in Neegraven tostännig.

Weertschop un Infrastruktur[ännern | Bornkood ännern]

För Seehoff is de freewillige Füürwehr Neefeld-Noord tostännig.

In Seehoff gifft dat en Filiaal von de Spoorkass Stood-Oolland.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 209
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 57
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 556
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 144
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92


Koordinaten:53° 31′ N, 9° 47′ O