Gericht Francop

Vun Wikipedia
Zur Navigation springen Zur Suche springen

Dat Gericht Francop weer en lütt Patrimonialgericht un Verwaltungsrebeed in Bremen-Veern un in dat Königriek Hannover mit Seet in Francop binnen de Landdrostie Stood. Dor hett blots dat Rebeed von den Oort Francop tohöört. Gerichtsherrn weren toeerst de Familie von Düring un later de Familie von dem Bussche.

Historie[ännern | Bornkood ännern]

1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Francop leeg in disse Tied in de Mairie Hasselwarder in’n Kanton Buxthu. 1813 müssen de Franzosen dat Rebeed denn opgeven un de ole Stand is wedderkamen.

Bi de Verwaltungs- un Justizreform an’n 1. Oktober 1852 is dat Gericht Francop Deel von dat Amt Jörk worrn.

Öörd Stand 1848[1][ännern | Bornkood ännern]

Oort Lüüd Hüüs Aard Status
1 Francop mit Graft 530 70 Dörp Gemeen
Good Francop un Brackenborg 26 2 Eddelgöder keen Gemeen
2 Hohewisch (Deel) 146 17 Dörp Gemeen

Inwahnertall[ännern | Bornkood ännern]

Johr Inwahners
1810-00-001810[2] 531 Lüüd. 86 Füürsteden
1823-00-001823[3] 508 Lüüd. 92 Hüüs
1848-00-001848[4] 702 Lüüd. 89 Hüüs

Richters[ännern | Bornkood ännern]

  • ~1830/1840: Prokurater Johann Siade August Postels, Buxthu
  • ~1850: tweten Greev Carl Wilhelm Matthias Büttner, Jörk

Footnoten[ännern | Bornkood ännern]

  1. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 150: http://books.google.de/books?id=eOI-AAAAcAAJ&pg=PA150
  2. Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
  3. Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 86: https://books.google.de/books?id=Rvs-AAAAcAAJ&pg=PA86
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 150: http://books.google.de/books?id=eOI-AAAAcAAJ&pg=PA150