Achterbraak

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Achterbraak
Laag vun Achterbraak in Düütschland
Basisdaten
Bundsland: Neddersassen
Landkreis: Stood
Gemeen: Jörk
Inwahners:
Postleettall: 21635
Vörwahl: 040
Geograafsche Laag:
Koordinaten:53° 33′ N, 9° 45′ O
53° 33′ N, 9° 45′ O

Achterbraak (hoochdüütsch Hinterbrack) is en Oort in de Gemeen Jörk in’n Landkreis Stood, Neddersassen. De Oort höört polietsch al von öllers bi Bossel mit bi.

Geografie[ännern | Bornkood ännern]

Achterbraak liggt an dat Süüdöver von de Nedderelv. In’n Noorden liggt de Elvinsel Nesssand un in’n Westen Hahnöversand. Na Oosten to liggt dat Möhlenbarger Lock, dat ok as Naturschuulrebeed gellt.

In Achterbraak münnt de Königriek-Westermoorenner Wettern in de Bosseler Binnenelv. De Eest flütt knapp twee Kilometer in’n Süden in Leeswig langs.

De Naveröörd sünd Finkwarder un Cranz in’n Süüdoosten, Leeswig in’n Süden, Königriek un Hoov in’n Süüdwesten un Kohlenhusen un Bossel in’n Westen.

Op de annere Sied von de Elv in Sleswig-Holsteen doot de Öörd Schulau un Wedel (in’n Noordwesten), Rissen (in’n Noorden) un Blanknees (in’n Noordoosten) liggen.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to de Hauptmannschop Bossel in dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.

De Oort is an’n 1. Juli 1972 as Deel von de Gemeen Bossel mit de Gemeenreform in Neddersassen an de Gemeen Jörk kamen.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 156 Lüüd. 23 Hüüs

Religion[ännern | Bornkood ännern]

Achterbraak is evangeelsch-luthersch präägt un höört to dat Kaspel von de St.-Nicolai-Kark in Bossel.

För de Kathoolschen is de St.-Maria-Kark in Buxthu tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Achterbraak löppt de Kreisstraat 39, de in’n Noordwesten över Bossel un Greundiek an de Landsstraat 140 ran geiht un in’n Süüdoosten na Cranz un Neefeld. In’n Süden löppt de Wellenstraat na Königriek.

De nächste Autobahn is de Autobahn 26 (Afsnidd StoodHamborg). De Opfohrt 6 Jörk liggt so negen Kilometer in’n Süüdwesten von Achterbraak.

De nächste Bahnhoff is so bi ölven Kilometer wied weg in’n Süüdwesten de Bahnhoff Buxthu an de Nedderelvbahn.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138: https://books.google.de/books?id=qTZDAQAAMAAJ&pg=RA2-PA138