Kohlenhusen (Gemeen Jörk)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21635 | |
| Vörwahl: | 04162 | |
| Geograafsche Laag: | Koordinaten:53° 32′ N, 9° 43′ O53° 32′ N, 9° 43′ O | |
|
| ||
Kohlenhusen (hoochdüütsch Kohlenhusen) is en Oort in de Gemeen Jörk in’n Landkreis Stood, Neddersassen. De Oort höört polietsch von öllers to Bossel mit to.
Geografie
[ännern | Bornkood ännern]De Oort liggt dicht bi dat Över von de Bosseler Binnenelv, wat en olen Arm von de Elv is. Vörlagert sünd de Inseln Hahnöversand un Nesssand. Na Süden von’n Oort to liggt de Königriek-Westermoorenner Wettern, de in Achterbraak in de Elv münnt.
De Naveröörd sünd Wedel in’n Noorden (op de annere Sied von de Elv in Sleswig-Holsteen), Achterbraak un Cranz in’n Oosten, Leeswig un Königriek in’n Süüdoosten, Oosterjörk in’n Süden un Bossel in’n Westen.
Historie
[ännern | Bornkood ännern]Kohlenhusen keem 1718 as Kaalenhusen toeerst in de Oorkunnen vör.[1]
In de Franzosentied von 1810 bet 1814 hett de Oort to de Mairie Jörk in’n Kanton Jörk höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to dat Grevengericht Oolland tohöört un von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.
Mit de Gemeenreform in Neddersassen an’n 1. Juli 1972 is Kohlenhusen as Deel von de ole Gemeen Bossel Deel von de ne’e Gemeen Jörk worrn.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[2] | 138 Lüüd, 26 Hüüs |
Religion
[ännern | Bornkood ännern]Kohlenhusen is evangeelsch-luthersch präägt un höört to dat Kaspel von de Nicolai-Kark in Bossel.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Kohlenhusen löppt de Kreisstraat 39, de in’n Noordwesten över Bossel un Wisch na Greundiek an de Landsstraat 140 ran geiht un in’n Oosten över Achterbraak un Cranz na Finkwarder un Oolwarder.
De nächste Autobahn is de Autobahn 26 (Afsnidd Stood–Hamborg). De Opfohrt 6 Jörk liggt so söven Kilometer in’n Süüdwesten von Kohlenhusen.
De nächsten Bahnhööv sünd so bi twölv Kilometer wied weg an de Nedderelvbahn: Buxthu in’n Süden un Hornborg in’n Süüdwesten. De S-Bahnhoff Neeklooster in’n Süüdwesten is mit negen Kilometer noch dichter bi.
Footnoten
[ännern | Bornkood ännern]- ↑ Adolf E. Hofmeister: Besiedlung und Verfassung der Stader Elbmarschen im Mittelalter. Lax, 1979, Sied 85
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138: https://books.google.de/books?id=qTZDAQAAMAAJ&pg=RA2-PA138