Wisch (Gemeen Jörk)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Wisch
Laag vun Wisch in Düütschland
Basisdaten
Bundsland: Neddersassen
Landkreis: Stood
Gemeen: Jörk
Inwahners:
Postleettall: 21635
Vörwahl: 04162
Geograafsche Laag:
Koordinaten:53° 34′ N, 9° 39′ O
53° 34′ N, 9° 39′ O

Wisch (hoochdüütsch Wisch) is en Oort in de Gemeen Jörk in’n Landkreis Stood, Neddersassen. Wisch höört von öllers bi Bossel mit bi.

Geografie[ännern | Bornkood ännern]

De Oort liggt in de Masch von de Nedderelv in Oolland. Dat Water ut dat Rebeed warrt över Wettern na de Neenslüser Wettern un de Elv hen afföhrt. Vör Wisch in de Elv liggt Nesssand.

De Naveröörd sünd Neenslüüs in’n Süüdoosten, Gehrden in’n Süden, Mittelskark in’n Süüdwesten, Steenkark in’n Westen un Höhen, Lüh un Greundiek in’n Noordwesten.

Op dat annere Över von de Elv in Sleswig-Holsteen doot in’n Noorden Hetlingen un Holm liggen un in’n Noordoosten Lülanden un Wedel.

Historie[ännern | Bornkood ännern]

In’n Eersten Weltkrieg sünd 15 Soldaten ut Wisch fullen oder vermisst un in’n Tweten Weltkrieg 14.[1]

Verwaltungsgeschicht[ännern | Bornkood ännern]

De Oort hett vör 1852 to dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.

De Oort höört von öllers bi de Gemeen Bossel mit bi, de an’n 1. Juli 1972 mit de Gemeenreform in Neddersassen Deel von de Gemeen Jörk worrn is.

Inwahnertall[ännern | Bornkood ännern]

Johr Inwahners
1871-12-011. Dezember 1871[2] 240 Lüüd. 35 Hüüs
1885-12-011. Dezember 1885[3] 252 Lüüd. 33 Hüüs
1905-12-011. Dezember 1905[4] 245 Lüüd. 42 Hüüs

Religion[ännern | Bornkood ännern]

Wisch is evangeelsch-luthersch präägt un höört to dat Kaspel von de Nicolai-Kark in Bossel.

För de Kathoolschen is de St.-Maria-Kark in Buxthu tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Bossel bi’n Karkhoff.

Verenen[ännern | Bornkood ännern]

De Sportvereen MTV Wisch is 1909 grünnt worrn.

Weertschop un Infrastruktur[ännern | Bornkood ännern]

För Wisch is de freewillige Füürwehr Bossel mit tostännig.

Verkehr[ännern | Bornkood ännern]

Dör Wisch löppt de Kreisstraat 39, de in’n Noordwesten över Lüh na Greundiek an de Landsstraat 140 ran geiht un in’n Süüdoosten över Neenslüüs na Bossel un Cranz. In Neenslüüs geiht von de K 39 na Süden de K 38 af, de dor denn ok op de L 140 drippt. De L 140 föhrt in’n Noordwesten von Greundiek över Hullern na Stood un in’n Süüdoosten na Jörk un Königriek/Hoov.

De nächste Autobahn is de Autobahn 26 (Afsnidd StoodHamborg). De Opfohrt 6 Jörk liggt so acht Kilometer in’n Süden von Wisch an de K 26.

De nächste Bahnhoff is so bi ölven Kilometer wied weg in’n Süüdwesten de Bahnhoff Hornborg an de Nedderelvbahn von Cuxhoben na Hamborg. Noch dichter bi is de Bahnhoff Dullern teihn Kilometer in’n Süüdwesten. Dor höllt aver blots de S3 von de S-Bahn Hamborg un nich de normale Bahnverkehr.

Scholen[ännern | Bornkood ännern]

Fröher harr de Oort en egen Volksschool.

Footnoten[ännern | Bornkood ännern]

  1. Onlineprojekt Gefallenendenkmäler
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92

Weblenken[ännern | Bornkood ännern]

Commons-logo.svg Wisch (Gemeen Jörk). Mehr Biller, Videos oder Audiodateien to’t Thema gifft dat bi Wikimedia Commons.