Höhen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21635 | |
| Vörwahl: | 04142 | |
| Geograafsche Laag: | Koordinaten:53° 34′ N, 9° 38′ O53° 34′ N, 9° 38′ O | |
|
| ||
Höhen (hoochdüütsch Höhen) is en Oort in de Gemeen Jörk in’n Landkreis Stood, Neddersassen. Wisch höört von öllers bi Bossel mit bi.
Geografie
[ännern | Bornkood ännern]De Oort liggt in de Masch von de Nedderelv in Oolland an dat Över von de Lüh. Dat Water ut dat Rebeed warrt över de Hogenfeller Wettern na de Lüh hen afföhrt.
De Naveröörd sünd Lüh in’n Noordoosten, Wisch un Neenslüüs in’n Süüdoosten, Mittelskark in’n Süüdwesten un Greundiek in’n Noordwesten.
Historie
[ännern | Bornkood ännern]In’n Eersten Weltkrieg sünd veer Soldaten ut Höhen fullen oder vermisst un in’n Tweten Weltkrieg ok veer.[1]
Verwaltungsgeschicht
[ännern | Bornkood ännern]De Oort hett vör 1852 to dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.
De Oort höört von öllers bi de Gemeen Bossel mit bi, de an’n 1. Juli 1972 mit de Gemeenreform in Neddersassen Deel von de Gemeen Jörk worrn is.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[2] | 118 Lüüd, 24 Hüüs |
| 1. Dezember 1885[3] | 135 Lüüd, 27 Hüüs |
| 1. Dezember 1905[4] | 129 Lüüd, 26 Hüüs |
Religion
[ännern | Bornkood ännern]Höhen is evangeelsch-luthersch präägt un höört to dat Kaspel von de Nicolai-Kark in Bossel.
För de Kathoolschen is de St.-Maria-Kark in Buxthu tostännig.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Bossel bi’n Karkhoff.
Weertschop un Infrastruktur
[ännern | Bornkood ännern]För Höhen is de freewillige Füürwehr Bossel mit tostännig.
Verkehr
[ännern | Bornkood ännern]Höhen liggt twüschen de Kreisstraat 39 un de Landsstraat 140. De K 39 föhrt in’n Süüdoosten över Wisch un Neenslüüs na Bossel un Cranz. De L 140 löppt in’n Noordwesten över Greundiek un Hullern na Stood un in’n Süüdoosten över Steenkark, Mittelskark un Gauderhandviddel na Jörk un Königriek/Hoov.
De nächste Autobahn is de Autobahn 26 (Afsnidd Stood–Hamborg). De Opfohrt 4 Dullern liggt so söven Kilometer in’n Süüdwesten von Höhen an de L 125.
De nächste Bahnhoff is so bi ölven Kilometer wied weg in’n Süüdwesten de Bahnhoff Hornborg an de Nedderelvbahn von Cuxhoben na Hamborg. Noch dichter bi is de Bahnhoff Dullern acht Kilometer in’n Süüdwesten. Dor höllt aver blots de S3 von de S-Bahn Hamborg un nich de normale Bahnverkehr.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92
