Bargfreed (Gauderhandviddel)

Vun Wikipedia
Zur Navigation springen Zur Suche springen

Bargfreed (hoochdüütsch Bergfried) weer en Eddelgood in de Gemeen Gauderhandviddel (Samtgemeen Lüh) in’n Landkreis Stood, Neddersassen.

Geografie[ännern | Bornkood ännern]

Dat Good liggt in de eerste Miel von Oolland an dat linke Över von de Lüh. Dat Good is in’n Noorddeel von Gauderhandviddel, de ok Bargfreed nöömt warrt. Dat liggt dicht bi Steenkark.

Historie[ännern | Bornkood ännern]

Dat Good dükert in dat 13. Johrhunnert toeerst in de Oorkunnen op.[1] To de Tied harr de Bremer Arzbischop dat Good as Lehn an de Greven von Holsteen vergeven.[1] Na de Holstener Greven hett dat Good de breemsche Ridder Johann Babbe beseten, de dat Good an dat Klooster Harsfeld verköfft hett.[1] Noch later weer Heinrich von der Osten Besitter von dat Good.[1] He hett Bargfreed 1335 för 400 Mark an Marquard von Zesterfleet verköfft.[1]

1377 hett en annern Marquard von Zesterfleet dat Good von sien Vedder Johann von Zesterfleet köfft. Ünner Johann Christian von Zesterfleet is 1753 ut dat Good en Fideikommissgood worrn. Dat Good is siet 1377 jümmer Hauptseet von de Familie von Zesterfleet bleven, bet Heinrich Christian Arnold von Zesterfleet 1848 ahn Söhns doodbleven is. Siene Dochter harr 1836 Eduard von Kielmansegg freet, an den dat Good denn övergahn is. Kort vörher, 1846, weer dat Goodshuus afbrennt. En neet Goodshuus is anfungen worrn, aver vör Heinrich Christian Arnold sien Dood nich trech worrn. Eduard von Kielmansegg hett dat Goodshuus nich wiederboon laten un dat Good 1861 verköfft. Dat Goodsarchiv hett he na Good Wiegersen transfereert. 1901 ist dat Archiv in dat Staatsarchiv Hannover wannert un 1965 in dat Staatsarchiv Stood wesselt.

De Gebüüd hett 1862 de Armenverband för Oolland övernahmen un dor bet 1948 en Heim för Arme un Weetkinner bedreven.[2]Na 1948 is dat Heim as Flüchtlingslager bruukt worrn un weer en Tied lang en Kinnerheim.[2] Noch later is dor en Olenheim inricht worrn, dat de Landkreis Stood bedrifft.[1] Dat Olenheim is von 2000 bet 2002 för 9 Milljonen Mark ümboot worrn.[2] Von dat ole Good is aver bet vondaag jümmer noch de Borggraven nableven.[1]

Verwaltungsgeschicht[ännern | Bornkood ännern]

Dat Good hett gliektiedig dat Patrimonialgericht Bargfreed billt.

De Oort hett vör 1852 to de Hauptmannschop Gauderhandviddel in dat Grevengericht Oolland tohöört, weer denn von 1852 bet 1885 Deel von dat Amt Jörk un von 1885 bet 1932 in’n Kreis Jörk. 1932 is dat an’n Landkreis Stood kamen.

Inwahnertall[ännern | Bornkood ännern]

Johr Inwahners
1791-00-001791[3] 1 Füürsteed
1824-00-001824[4] 1 Füürsteed
1848-00-001848[5] 37 Lüüd. 5 Hüüs
1871-12-011. Dezember 1871[6] 87 Lüüd. 2 Hüüs
1885-12-011. Dezember 1885[7] 57 Lüüd. 2 Hüüs

Religion[ännern | Bornkood ännern]

Bargfreed weer evangeelsch-luthersch präägt un hett to dat Kaspel von de Martini-un-Nicolai-Kark in Steenkark höört.

Footnoten[ännern | Bornkood ännern]

  1. a b c d e f g Das Viertel der "guten Mannen", Hamburger Abendblatt an’n 9. November 1999
  2. a b c Verjüngungskur fürs Altenheim, Hamburger Abendblatt an’n 26. August 2000
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 22
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 52
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148


Koordinaten:53° 33′ N, 9° 37′ O