Huttfleet
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21720 | |
| Vörwahl: | 04142 | |
| Geograafsche Laag: | Koordinaten:53° 34′ N, 9° 36′ O53° 34′ N, 9° 36′ O | |
|
| ||
Huttfleet (hoochdüütsch Huttfleth) is en Oortsdeel in de Gemenen Steenkark un Greundiek (Samtgemeen Lüh) in’n Landkreis Stood, Neddersassen.
Geografie
[ännern | Bornkood ännern]Huttfleet liggt as Stratendörp in de Masch von de Elv in de Eerste Miel von Oolland. In’n Noorden vör Huttfleet in de Elv liggt Lühsand.
De Naveröörd sünd Mojenhörn in’n Noordoosten, de Elvdiek un Greundiek in’n Oosten, Steenkark in’n Süden un Bachenbrook, de Sietwenn, Sandhörn un Wetterndörp in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1852 to de Hauptmannschoppen Twielenfleet un Steenkark von dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.
De Oort is von öllers twüschen de Kaspels un Gemenen Greundiek un Steenkark opdeelt.
Inwahnertall
[ännern | Bornkood ännern]Steenkark:
| Johr | Inwahners |
|---|---|
| 1. Dezember 1871[1] | 190 Lüüd, 25 Hüüs |
| 1. Dezember 1885[2] | 145 Lüüd, 24 Hüüs |
Greundiek:
| Johr | Inwahners |
|---|---|
| 1. Dezember 1871[3] | 92 Lüüd, 11 Hüüs |
| 1. Dezember 1885[4] | 125 Lüüd, 15 Hüüs |
Tohoop:
| Johr | Inwahners |
|---|---|
| 1791[5] | 9 Füürsteden |
Religion
[ännern | Bornkood ännern]Huttfleet is evangeelsch-luthersch präägt un is opdeelt twüschen de Kaspels von de Martini-un-Nicolai-Kark in Steenkark un de Marienkark in Greundiek.
För de Kathoolschen is de Hillig-Geist-Kark in Stood tostännig.
Weertschop un Infrastruktur
[ännern | Bornkood ännern]För Huttfleet sünd de freewilligen Füürwehrn Greundiek un Steenkark mit tostännig.
Verkehr
[ännern | Bornkood ännern]Dör Huttfleet löppt de Landsstraat 140, de in’n Noordwesten över Wetterndörp un Hullern na Stood geiht un in’n Süüdoosten över Steenkark un Mittelskark na Jörk.
De nächste Autobahn is de Autobahn 26 (Afsnidd Stood–Hamborg). De Opfohrt 4 Dullern liggt so söss Kilometer in’n Süüdwesten von Huttfleet an de L 125.
De nächsten Bahnhööv sünd an de Nedderelvbahn von Cuxhoben na Hamborg. Dat sünd de Bahnhoff Hornborg negen Kilometer in’n Süden un de Bahnhoff Stood ölven Kilometer in’n Noordwesten. Noch dichter bi is söven Kilometer in’n Süüdwesten de Bahnhoff Dullern, an den de Lien S3 von de S-Bahn Hamborg höllt.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 119
