Achterdiek (Landkreis Stood)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21635, 21640, 21720 | |
| Vörwahl: | 04162 | |
| Geograafsche Laag: | Koordinaten:53° 32′ N, 9° 39′ O53° 32′ N, 9° 39′ O | |
|
| ||
Achterdiek (hoochdüütsch Hinterdeich) is en Oort in’n Landkreis Stood, Neddersassen, de twüschen de Gemenen Jörk, Mittelskark un Neekark (de beiden letzten in de Samtgemeen Lüh) opdeelt is.
Geografie
[ännern | Bornkood ännern]De Oort liggt in de Masch von de Nedderelv in Oolland. Dat Water ut dat Rebeed warrt över de Neenslüser Wettern na de Elv hen afföhrt.
De Naveröörd sünd Gehrden in’n Noorden, Jörk in’n Oosten, Loodkup in’n Süüdoosten, Hornborg in’n Süüdwesten, Neekark in’n Westen un Mittelskark in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1852 to dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.
De Oort weer al von öllers twüschen de dree Gemenen opdeelt.
Inwahnertall
[ännern | Bornkood ännern]Jörk:
| Johr | Inwahners |
|---|---|
| 1. Dezember 1871[1] | 13 Lüüd, 3 Hüüs |
| 1. Dezember 1905[2] | 12 Lüüd, 3 Hüüs |
Mittelskark:
| Johr | Inwahners |
|---|---|
| 1. Dezember 1871[3] | 33 Lüüd, 6 Hüüs |
| 1. Dezember 1885[4] | 28 Lüüd, 5 Hüüs |
| 1. Dezember 1905[5] | 29 Lüüd, 6 Hüüs |
Neekark:
| Johr | Inwahners |
|---|---|
| 1. Dezember 1871[6] | 88 Lüüd, 18 Hüüs |
| 1. Dezember 1885[7] | 99 Lüüd, 21 Hüüs |
| 1. Dezember 1905[8] | 93 Lüüd, 16 Hüüs |
Religion
[ännern | Bornkood ännern]Achterdiek is evangeelsch-luthersch präägt un is na de Gemenen opdeelt twüschen de Kaspels von de Matthias-Kark in Jörk, de Johannis-Kark in Neekark un de Bartholomäus-Kark in Mittelskark.
För de Kathoolschen in’n Mittelskarker Deel is de Hillig-Geist-Kark in Stood tostännig un för de Neekarker un Jörker Delen de St.-Maria-Kark in Buxthu.
Kultur
[ännern | Bornkood ännern]Verenen
[ännern | Bornkood ännern]De Schüttenvereen Loodkup, Achterdiek un Ümgegend is 1951 grünnt worrn.
Weertschop un Infrastruktur
[ännern | Bornkood ännern]För Achterdiek sünd de freewilligen Füürwehrn von Jörk, Mittelskark un Neekark tostännig.
Verkehr
[ännern | Bornkood ännern]Dör Achterdiek löppt de Kreisstraat 38, de in’n Noorden an de Landsstraat 140 ran un wieder na Gehrden un Neenslüüs geiht un in’n Süüdoosten över Wester-Loodkup an de K 26 ran. De L 140 föhrt in’n Noordwesten na Neekark, Mittelskark, Gauderhandviddel un Steenkark un in’n Süüdoosten na Jörk un Königriek/Hoov. De K 26 löppt von Loodkup in’n Süden na Neeklooster an de Bundsstraat 73 ran.
De nächste Autobahn is de Autobahn 26 (Afsnidd Stood–Hamborg). De Opfohrt 6 Jörk liggt so fiev Kilometer in’n Süüdoosten von Achterdiek an de K 26.
De nächste Bahnhoff is so bi acht Kilometer wied weg in’n Süüdwesten de Bahnhoff Hornborg an de Nedderelvbahn von Cuxhoben na Hamborg. De Bahnhoff Buxthu an de Nedderelvbahn liggt negen Kilometer in’n Süüdoosten. Noch dichter bi is de Bahnhoff Neeklooster söven Kilometer in’n Süden. Dor höllt aver blots de S3 von de S-Bahn Hamborg un nich de normale Bahnverkehr.
Lüüd
[ännern | Bornkood ännern]De plattdüütsche Schriever Klaus Köster is in Achterdiek opwussen.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92
