Diek (Water)

Vun Wikipedia
Diek in Dendermonde
Goorndiek

En Diek is en nich allto groot Meer , wat vun Minschen anleggt oder vun de Natur tostann bröcht is. In'n Unnerscheed to'n Pool speelt de Minsch un siene Weertschop bi en Diek en Rull. In de Städer weert Dieke faken anleggt, um Goorns un Parkanlagen wat up to smucken. Ok to'n Sammeln vun Water, as Mööglichkeit, um Water bi en Överswemmen up to fangen un as Spieker för Löschwater weert se bruukt.

Fudderhen weert Dieke för de Fischtucht oder för dat Bewahren vun Fische bruukt (kiek bi Fischdiek). Ok, um schöne Fische to holen un an to kieken, weert Dieke anleggt, sunnerlich bi Goldfische un Koi. In Vagelkojen in Noordfreesland weert Dieke anleggt, um Watervagels in to fangen, annerwegens weert se anleggt, um Watervagels dor en tohuse mit to geven. Grote Dieke finnt sik in de Goorns vun Borgen un Slötter, so, as de velen Dieke in den Franzööschen Goorn vun dat Slott vun Versailles.

Man ok de Natuur bringt Dieke tostanne, sunnerlich, wenn bi en Stormfloot de Diek braken is, un dor denn de Brake vun över blifft.