See (Binnenland)

Vun Wikipedia
De Llangorse Lake in Wales
Kratersee von’n Kirishima in Japan
Faaker See in Ööstriek

En See oder ok Meer is en Waterflach in dat Binnenland, de kumplett von Land ümgeven is.

De Utdruck Meer warrt vör allen in de Nedderlannen un in de Rebeden dicht bi de Nedderlannen bruukt. De Rest von Plattdüütschland bruukt den Utdruck See.

Dat Formen von Seen[ännern | Bornkood ännern]

Seen köönt sik dör geoloogsche Prozesse oder dör Minschenhand (to’n Bispeel Baggerseen un Stauseen oder dat Iesselmeer as indiekt Seebucht) billen.

Natürliche Seen köönt sik ünner annern op düsse Wiesen billen:

  • Gletscherseen billt sik dör Gletschers oder Gletschersmöltwater, de Bodden afdraagt oder aflagert.
  • Gletscherrandseen un Iesstauseen billt sik an aktive Gletschers, sünd aver mehrstendeels nich duurhaftig.
  • Tektonische Seen billt sik, wenn sik de Eerdköst dör Tektonik opdeit, to’n Bispeel bi’n Baikalsee.
  • Afdämmseen billt sik, wenn in de Bargen Water dör en Bargstört nich mehr affleten kann oder wenn an de Küst en Nehrung en Haff afsnöört.
  • Karstseen billt sik, wenn Karbonatsteen oder Solt dör Water oplööst warrt un de Ünnergrund afsackt.
  • Kraterseen billt sik in Vulkane.
  • Seen köönt sik ok in Meteoritenkraters billen, to’n Bispeel bi’n Elgygytgyn.
  • Ooldwaterseen billt sik, wenn en Stroom sien Loop ännert un en Deel von’n olen Loop nich mehr mit’n ne’en Loop verbunnen is. Dat kann jüstso dör Minschenhand passeren, wenn de Loop von en Stroom för de Schipperee reguleert warrt.
  • Thermokarstseen billt sik in Rebeden mit Permafrostbodden, to’n Bispeel in Alaska oder Noordsibirien.

Rekorde un Daten[ännern | Bornkood ännern]

Op de Welt gifft dat 1,4 Milljonen Seen, de grötter as teihn Hektar sünd. Dat Land mit de gröttste Tall Seen is Kanada mit över 900.000 Seen. Finnland hett 187.888 Seen. Dat kumplette Water ut all Seen op de Welt dee dat Landrebeed von de Welt 1,30 Meter hoog bedecken. In’n Dörsnidd tuuscht sik dat Water von en See all fiev Johr kumplett ut. In de teihn gröttsten Seen op de Welt is 85 Prozent von dat Water von all Seen to finnen. In’n Baikalsee alleen is een Föfftel von dat Söötwater op de Eer to finnen.[1]

Gröttst Rebeed[ännern | Bornkood ännern]

See Rebeed Deepd Laag Wateroort
Kaspische See 393.898 km² 995 m Russland, Kasachstan, Aserbaidschan,
Iran, Turkmenistan
Soltwater
Böveren See 82.414 km² 405 m USA, Kanada Söötwater
Victoriasee 68.870 km² 81 / 85 m Tansania, Kenia, Uganda Söötwater
Huronsee 59.596 km² 229 m USA, Kanada Söötwater
Michigansee 58.016 km² 281 m USA Söötwater
Tanganjikasee 32.893 km² 1.470 m Demokraatsche Republiek Kongo, Tansania, Sambia, Burundi Söötwater
Groten Borensee 31.792 km² 446 m Kanada Söötwater
Baikalsee 31.492 km² 1.642 m Russland Söötwater
Malawisee 29.600 km² 706 m Malawi, Tansania, Mosambik Söötwater
Groten Slavensee 28.438 km² 614 m Kanada Söötwater
Eriesee 25.745 km² 64 m USA, Kanada Söötwater
Winnipegsee 24.341 km² 18 m Kanada Söötwater
Ontariosee 19.259 km² 244 m USA, Kanada Söötwater
Balchaschsee 18.428 km² 26 m Kasachstan Brackwater
Ladogasee 17.703 km² 255 m Russland Söötwater

Deepste Seen[ännern | Bornkood ännern]

See Deepd Rebeed Laag Wateroort
Baikalsee 1.642 m 31.492 km² Russland Söötwater
Tanganjikasee 1.470 m 32.893 km² Demokraatsche Republiek Kongo, Tansania, Sambia, Burundi Söötwater
Kaspische See 995 m 393.898 km² Russland, Kasachstan
Aserbaidschan, Iran, Turkmenistan
Soltwater
Malawisee 706 m 29.600 km² Malawi, Tansania, Mosambik Söötwater
Wostoksee 670 m 15.690 km² Antarktis Söötwater
Yssykköl 668 m 6.236 km² Kirgisistan Söötwater
Groten Slavensee 614 m 28.438 km² Kanada Söötwater
Crater Lake 594 m 53 km² USA Söötwater
Lago General Carrera 590 m 2.200 km² Chile, Argentinien Söötwater
Hornindalsvatnet 514 m 50 km² Noorwegen Söötwater
Tobasee 505 m 1.103 km² Indonesien, Sumatra Söötwater
Lake Tahoe 501 m 497 km² USA Söötwater
Lago Argentino 500 m 1.466 km² Argentinien Söötwater
Lake Hauroko 463 m 63 km² Neeseeland Söötwater
Nahuel Huapi 460 m 531 km² Argentinien Söötwater
Vansee 457 m 3.740 km² Törkie Sodawater
Groten Borensee 446 m 31.153 km² Kanada Söötwater
Comer See 425 m 146 km² Italien Söötwater
Böveren See 405 m 82.414 km² USA, Kanada Söötwater
Gardasee 346 m 370 km² Italien Söötwater

Höögst legen See[ännern | Bornkood ännern]

De Lhagba Pool in Tibet leeg 6.368 m hoog. Dat weer aver nich kloor, wat he as See oder man as Smöltwaterpohl antosehn is. De See is nu aver verswunnen. Dorüm gellt de Kratersee von’n 5920 m hogen Vulkan Licancabur an de Grenz twüschen Bolivien un Chile as höögsten See op de Eer.

De Titicaca-See liggt 3810 m över de See un is dat höögste Rebeed, op dat kummerziell Schipperee bedreven warrt.

Deepst legen See[ännern | Bornkood ännern]

See mit dat kloorste Water[ännern | Bornkood ännern]

De Blue Lake in de neeseelandsche Region Tasman hett mit 70–80 Meter de höögste Sichtwiedt von all natürliche Söötwaterrebeden.[2]

Footnoten[ännern | Bornkood ännern]

  1. Vom Wasser. In: Süddeutsche Zeitung, 16. Dezember 2016, S. 14.
  2. Nelson's Blue Lake clearest, New Zealand Herald an’n 20. Dezember 2011

Weblenken[ännern | Bornkood ännern]

See (Binnenland). Mehr Biller, Videos oder Audiodateien to’t Thema gifft dat bi Wikimedia Commons.