Burundi

Vun Wikipedia
Wesseln na: Navigatschoon, Söök
République du Burundi (frz.)
Republika y'Uburundi
(Kirundi)
Flagg vun Burundi Wapen vun Burundi
(Flagg) (Wapen)
Wahlspröök: Unité, Travail, Progrès
(frz., „Eenigkeit, Arbeit, Vörankamen“)
Natschonalhymne: Burundi bwacu
Woneem liggt Burundi
Hööftstadt Bujumbura
8° 50′ S, 13° 20′ O
Gröttste Stadt
Amtsspraak Franzöösche Sprake, Kirundi
Regeren
Präsident
Präsidialrepubliek
Pierre Nkurunziza
Sülvstännigkeit

1962 vun Belgien

Grött
 • Allens
 • Water (%)
 
27.834 km²
2.150 km² (7,72) %
Inwahnertall
 • 2008 afschätzt
 • Inwahnerdicht
 
8,691,005 (Born: CIA July 2008)
280/km²
Geldsoort Burundi-Franc ([[ISO 4217|]])
BBP 1.001 Mio. $ (2008)

128 $ je Kopp

Tietrebeet UTC+2 (UTC+2)
Internet-TLD .bi
ISO 3166 BI
Vörwahl ++257
By-map.png

Burundi (plattdüütsch: [buˈrʊndi]) is en lütt, aber dicht bevölkerten Staat in Oostafrika. He grenzt in’ Noorden an Ruanda, in’ Oosten an Tansania un in’ Westen an de Demokraatsche Republiek Kongo. De gröttste Deel vun de Grenz to Kongo liggt in de Tanganjika-See. De Hööftstadt is Bujumbura. De Staat is in 17 Provinzen updeelt.

Geographie[ännern | Bornkood ännern]

Burundi is en vun de lüttste Staaten in Afrika mit en Flach vun 27.834 km² aber – just so as de Nahberstaat Ruanda – bannig dicht besiedelt (8.390.505 Million Inwahners in 2007, wat 280 Inwahners pro Quadratkilometer maken deit). Tüschen de Viktoriasee un de Tanganjikasee liggt dat Land, un is vun en Hoochplateau (1.400 – 1.800 Meter) dörtrucken, wat bit up över 2.700 m anstiggt. Disse Randbargen vun de markant Oostfrikaansch Graven fallt denn to de Binnerste vun de dör de Tanganjikasee füllt Gravensenke steil af.

Inwahners[ännern | Bornkood ännern]

86% vun de Inwahner sünd Hutu, wat meest de eenfach Lüüd sünd, 14 % sünd Tutsi, de de Böverschicht dorstellen. 1 % vun de Bevölkerung hörrt to de Twa. An un for sik sünd dat keen egenstännige Volksgruppen, man bloß ünnerscheedliche „Schichten“ vun de Inwahners ween.

Spraken[ännern | Bornkood ännern]

Amtssprake is Franzöösch. Man all Inwahners snacken de Bantuspraak Kirundi. Langs den Tanganjika-See un um de Hööftstadt rüm warrt ok Swahili (Suaheli) snackt.

Gloven[ännern | Bornkood ännern]

De meest Burunders sünd Katholiken (65%). Dor kaamt denn noch 5% Protestanten to. 10% vun de Inwahners hoolt sik to'n Islam un bi 23% sünd Anhängers vun afrikaansche Religionen.

Historie[ännern | Bornkood ännern]

An’t Enne vun dat 19. Johrhunnert is Burundi, tohopen mit Ruanda, unner den Naam vun Urundi to de düütsche Kolonie Düütsch-Oostafrika tokamen. In'n Eersten Weltkrieg hefft de Belgiers dat Land vun den Kongo ut innahmen. Na den Krieg hett de Völkerbund Belgien dat Mandat Ruanda-Urundi tospraken. An’n 1. Juli 1962 is Burundi unafhängig wurrn. Toeerst weer dat en Königriek, man dat is al 1966 afschafft wurrn. Vun 1993 bit 2003 geev dat dor en Börgerkrieg. To de Tiet sünd ruch weg 10% vun de Bevölkerung in de Nahberlänner flücht. Dat weern bit to 1,3 Mio Minschen. Üm un bi 250.000 Lüde sünd bi düssen Börgerkrieg ümkamen. 2006 is de UN-Truppe, de in dat Land weer, wedder aftagen wurrn.

Weertschop[ännern | Bornkood ännern]

Hüdigendags is de Weertschop vun Burundi heel un deel up’n Hund kamen. Burundi is dat ärmste Land up’e Welt. In keen Land weltwiet gifft dat so veel Hunger, seggt de Welthungerindex. De meisten Lüde in Burundi (85%) leevt vun de Bueree. Dor weert sunnerlich Bananen, Maniok, Mais, Söötkartuffeln un Grööntüüch anboot. Dor kümmt noch Hirse to un, for den Export, Koffi un Tee.

Weblenken[ännern | Bornkood ännern]

Commons-logo.svg Burundi. Mehr Biller, Videos oder Audiodateien to’t Thema gifft dat bi Wikimedia Commons.