Flagg vun Burundi

Vun Wikipedia
Wesseln na: Navigatschoon, Söök
FIAV Flagg vun Burundi (Format 3:5)

De Flagg vun Burundi is an’n 28. Juni 1967 offiziell inföhrt worrn. Se harr toeerst de Sietenproportschonen 2:3, wat an’n 27. September 1982 op 3:5 ännert worrn is.

Utsehn un Bedüden[ännern | Bornkood ännern]

De Klören in de Flagg vun Burundi sünd root, witt un gröön. Se hebbt all jemehr Bedüden. So steiht Root för de Oppers in’n Kamp üm de Unafhangigkeit, Witt för den Freden un Gröön is dat Teken för Hapen un dat Wiederkamen.

In de Mitt vun de Flagg sünd dree Steerns mit söss Tackens to sehn. Se staht för den Wahlsprook Unité Travail Progrès („Eenigekeit Arbeit Wiederkamen“) oder för de dree Volksgruppen in’t Land, also de Tutsi, de Hutu un de Twa.

Da Schraagkrüüz in de Flagg schient vun de ollen Flagg vun de belgischen Flaagsellschop Sabena to kamen, man’n kloren Nawies gifft dat nich dorför[1].

Historie[ännern | Bornkood ännern]

To de Tiet vun dat Königriek Burundi vu 1962 bit 1966 weern an de Stedd vun de Steerns en Karenda-Trummel un en Sorghum-Plant afbillt. Vun jemehr Dorstellen sünd verscheden Faten överlevert. In de Tiet vun’n Ümbrook in’n November 1966 is vör korte Tiet en Flagg bruukt worrn, de gor keen Teken wiesen de. Laterhen, bit to’n März 1967, is de Sorghum-Plant wedder in de Flagg rinnahmen worrn. 1982 sünd de Sietenproportschonen ännert worrn.

Borns[ännern | Bornkood ännern]

  1. Smith/Neubecker: Wappen und Flaggen aller Nationen, München 1980, ISBN 3-87045-183-1