Steenbeek (Gemeen Stood)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Steenbeek

Steenbeek
Laag vun Steenbeek in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Postleettall: 21684
Vörwahl: 04141
Geograafsche Laag:
Koordinaten:53° 33′ N, 9° 28′ O
53° 33′ N, 9° 28′ O

Steenbeek (hoochdüütsch Steinbeck) is en Oort in de Gemeen Stood in’n Landkreis Stood, Neddersassen. Dat höört polietsch von öllers bi Hagen mit bi.

Geografie[ännern | Bornkood ännern]

De Oort Steenbeek liggt an’n Steenbeek. De Loop von’n Steenbeek is as Naturschuulrebeed Steenbeek schuult.

De Naveröörd sünd Riensföör in’n Noorden, Ottenbeek un Gothenborg in’n Noordoosten, Dollern in’n Oosten, Rüstje in’n Süüdoosten, Helmst un Feldkroog in’n Süden, Deinst in’n Süüdwesten, Hagel un Hagen in’n Westen un Groot Thun un Barg in’n Noordwesten.

Historie[ännern | Bornkood ännern]

De Hüüs, de vondaag Steenbeek billt, sünd to’n groten Deel eerst na’n Tweten Weltkrieg boot worrn. Vör’n Krieg stünn dor blots een enkelt Huus.

2001 weer dat för korte Tied plaant, in dat Rebeed von Steenbeek en 270 Hektar groot BMW-Wark optoboon. BMW hett sik denn aver en annern Standoort in Leipzig utsöcht.[1] Opstunns (Stand 2015) is dat plaant, in’n Süden von Steenbeek en düüdlich lütter Gewarvrebeed von 21 Hektar uttowiesen.[2]

Religion[ännern | Bornkood ännern]

Steenbeek is evangeelsch-luthersch präägt un höört bi dat Kaspel von de Johannis-Kark. Bevör de Johannis-Kark 1956 trech worrn is, hett de Oort to dat Kaspel von de Wilhadi-Kark in de Binnenstadt von Stood höört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

An Steenbeek langs löppt de Landsstraat 124, de in’n Noorden na Stood geiht un in’n Süden na Harsfeld. In’n Süden von’n Oort geiht de Kreisstraat 30 von de L 124 af, de in’n Noordoosten bi Gothenborg an de Bundsstraat 73 un de L 111 ran geiht. De K 30 is 2010 eerstboot worrn.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so söven Kilometer in’n Noordoosten von Steenbeek.

De nächste Bahnhoff is so bi söven Kilometer wied weg in’n Noorden de Bahnhoff Stood an de Nedderelvbahn.

Footnoten[ännern | Bornkood ännern]

  1. BMW-Werk: Standort Stade aus dem Rennen, Hamburger Abendblatt von’n 22. Mai 2001
  2. Angst vor Krach und Staub, Wochenblatt von’n 2. Juni 2015