Airbus-Wark Stood

Vun Wikipedia
Zur Navigation springen Zur Suche springen
Luftbild von dat Airbus-Wark (2012)
CFK Valley Nord

Dat Airbus-Wark Stood is en Produkschoonssteed von dat Ünnernehmen Airbus, dat op dat Rebeed von Stood (Stadtdeel Ottenbeek) un Gothenborg liggt. In dat Wark doot üm un bi 2200 Lüüd arbeiden.

Historie[ännern | Bornkood ännern]

In Ottenbeek hett dat von 1934 af an den Flegerhorst Stood geven. De Flegerhorst is 1945 von de Allieerten oplööst worrn un dat Gelänn is denn as Lager för Verdrevene bruukt worrn. 1956 hett de nee grünnte Bundswehr dat Gelänn övernahmen un dor de Von-Goeben-Kasern inricht.

En Deel von dat Gelänn von’n Flegerhorst mit de Flegerwarft hett 1959 de Hamburger Flugzeugbau övernahmen. Mit to Anfang 100 Lüüd hett dat Ünnernehmen dor Delen för de Nord Noratlas (N 2501) herstellt. Later hebbt se ok Delen för den Hansa Jet un de Transall boot. 1969 is de Hamburger Flugzeugbau tohoopgahn mit Messerschmitt-Bölkow (een Johr vörher billt ut de Messerschmitt AG un de Bölkow GmbH) to dat Ünnernehmen Messerschmitt-Bölkow-Blohm (MBB).

1970 hett MBB to de Grünners von de Interessengemeenschop Airbus Industrie höört. Dat Wark in Stood hett denn Delen för den eersten A 300B1 herstellt. Ok för de Fokker F-28 hett dat Wark Delen herstellt.

1982 is MBB mit ERNO to MBB-ERNO tohoopgahn. Dat Ünnernehmen is 1989 denn von de DASA övernahmen worrn, de 2000 den ne’en Naam EADS kregen hett. Siet 2013 heet dat Ünnernehmen Airbus Group.

2004 is in Tosamenhang mit dat Airbus-Wark dat Technologie-Zentrum in Ottenbeek trech worrn, dat sik op carbonfaserverstärkten Kunststoff (CFK) as Warkstoff spezialiseert hett (CFK Valley Nord).

2009 sünd na Süüdoosten rut twee ne’e, 28 Meter hoge Warkhallen boot worrn, de Hallen 60 (45.000 m²) un 80 (22.000 m²). Disse Utbo hett 120 Millionen Euro för den Bo von de Hallen un üm un bi 400 Millionen Euro för de Maschinen köst.[1]

Vondaag stellt dat Wark in Stood vör allen Siedenleitwarken ut CFK, lüttjere Delen för den Eurofighter, de CFK-Draagflächen för den A400M un A350 XWB un de achteren CFK-Rumpsegmente för den ne’en A350 XWB her.

Footnoten[ännern | Bornkood ännern]

  1. Nina Dobratz: Zwei neue Produktionshallen für das Stader Airbus-Werk, Hamburger Abendblatt an’n 13. Juli 2009

Weblenken[ännern | Bornkood ännern]

Commons-logo.svg Airbus-Wark Stood. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 34′ N, 9° 31′ O