Holv
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21646 | |
| Vörwahl: | 04169 | |
| Geograafsche Laag: | Koordinaten:53° 22′ N, 9° 38′ O53° 22′ N, 9° 38′ O | |
|
| ||
Holv (hoochdüütsch Holvede) is en Dörp in de Gemeen Hassbossel (Samtgemeen Hullnst) in’n Landkreis Horborg, Neddersassen.
Geografie
[ännern | Bornkood ännern]Holv liggt in’n Noorden von de Lümbörger Heid. Dat Water ut dat Rebeed flütt över den Hollinner Beek na’n Starsbeek hen af.
De Naveröörd sünd Resbossel un Holtörp in’n Noordoosten, Hullnst in’n Oosten, de Holtörper Heid un Makensbrook in’n Süüdoosten, Hollinn un Evstörp in’n Süden, Kallmoor un Hassbossel in’n Süüdwesten un Löh un Sounsiek in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Hullnst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Vaagdie Hullnst in dat Amt Mesborg tohöört. Von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.
Dat Dörp höört al siet dat 19. Johrhunnert to de Gemeen Hassbossel mit to.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 11 Füürsteden |
| 1812[2] | 67 |
| 1824[3] | 18 Füürsteden |
| 1848[4] | 99 Lüüd, 16 Hüüs |
| 1. Dezember 1871[5] | 128 Lüüd, 21 Hüüs |
| 1. Dezember 1885[6] | 104 Lüüd, 20 Hüüs |
| 1. Dezember 1905[7] | 128 Lüüd, 22 Hüüs |
Religion
[ännern | Bornkood ännern]Holv is evangeelsch-luthersch präägt un höört to dat Kaspel von de Andreas-Kark in Hullnst.
För de Kathoolschen is de St.-Petrus-Kark in Bookholt tostännig.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht an de Straat twüschen Holv un Hassbossel.[8]
Verenen
[ännern | Bornkood ännern]De Schüttenvereen Holv is 1975 grünnt worrn un as Sportvereen de TSV Holv 1947.
Weertschop un Infrastruktur
[ännern | Bornkood ännern]För Holv is de freewillige Füürwehr Hassbossel mit tostännig.
Elektrischen Stroom hett de Oort 1923 kregen.[9]
Verkehr
[ännern | Bornkood ännern]Dör Holv löppt de Kreisstraat 16, de in’n Oosten na Hullnst an de Landsstraat 141 geiht un in’n Oosten na Hassbossel un bi Löh an de L 130. Von de K 16 geiht in Holv na Süden de K 15 över Ebstörp un Avens na Töst af.
De nächste Autobahn is de Autobahn 1 (Afsnidd Hamborg–Bremen). De Opfohrt 46 Heidenau liggt knapp dree Kilometer in’n Süden von Holv an de K 15.
De nächste Bahnhoff is so bi twölv Kilometer wied weg in’n Noorden de Bahnhoff Obbens an de Bahnlien Bremerhoben–Buxthu. De Bahnhoff Buxthu an de Nedderelvbahn twüschen Cuxhoben un Hamborg liggt 15 Kilometer in’n Noorden. Von 1902 bet 1968 hett dat ok op de Bahnlien Bremervöör–Bookholt Personenverkehr geven. De nächste Bahnhoff an disse Bahnlien weer söss Kilometer in’n Oosten in Hullnst. An’n Bahnhoff Evsdörp söss Kilometer in’n Süden an de Bahnlien Wilst–Töst hett dat von 1917 bet 1971 Personenverkehr geven.
Scholen
[ännern | Bornkood ännern]De Grundschölers ut Holv gaht na de Grundschool Hullnst.
Literatur
[ännern | Bornkood ännern]- Wilhelm Marquardt: Chronik der Gemeinden Halvesbostel mit Holvede und Regesbostel mit Holtorfsbostel und Rahmstorf. Christians, Hamborg 1989
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 113
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 292
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 145
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 76
- ↑ Onlineprojekt Gefallenendenkmäler
- ↑ 1904–2004. 100 Jahre Feuerwehr in der Gemeinde Halvesbostel.
