Makensbrook

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Makensbrook
Laag vun Makensbrook in Düütschland
Basisdaten
Bundsland: Neddersassen
Landkreis: Horborg
Samtgemeen: Hullnst
Gemeen: Hullnst
Inwahners:
Postleettall: 21279
Vörwahl: 04165
Geograafsche Laag:
Koordinaten:53° 21′ N, 9° 42′ O
53° 21′ N, 9° 42′ O

Makensbrook (hoochdüütsch Ochtmannsbruch) is en Dörp in de Gemeen Hullnst (Samtgemeen Hullnst) in’n Landkreis Horborg, Neddersassen. De Oort besteiht ut dree Delen: dat egentliche Dörp, de Siedlung Makensbrook in’n Oosten un de Hüüs an’n Beek in’n Süden.

Geografie[ännern | Bornkood ännern]

500 Meter in’n Noorden von Makensbrook flütt de Pardelbeek langs un in’n Süden de Beek. De Beken doot in’n Oosten all beid in de Eest münnen. In’n Westen liggt dat Naturschuulrebeed Springmoor bi Hullnst.

De Naveröörd sünd Hullnst un Dierstörp in’n Noordoosten, Dreest un Boitschen in’n Süüdoosten, Duhrn mit Hääg in’n Süden, Evsdörp un Avens in’n Süüdwesten, Hollinde in’n Westen un Holv un Resbossel in’n Noordwesten.

Historie[ännern | Bornkood ännern]

In’n Tweten Weltkrieg sünd ölven Soldaten ut Makensbrook fullen oder vermisst.[1]

To de olen Hööv in Makensbrook höört de Wilkenshoff, de siet 2001 en Biohoff is. Tohoop mit Eckart Brandt sien Vereen Boomgarden sünd in Makensbrook en Allee mit Beerbööm un en Appelgoorn mit ole Beer- un Appelsoorten anleggt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is siet de Midd von dat 19. Johrhunnert Deel von de Gemeen Hullnst.

Inwahnertall[ännern | Bornkood ännern]

Johr Inwahners
1793-00-001793[2] 4 Füürsteden
1812-00-001812[3] 64
1824-00-001824[4] 12 Füürsteden
1848-00-001848[5] 69 Lüüd. 12 Hüüs
1871-12-011. Dezember 1871[6] 64 Lüüd. 12 Hüüs

Religion[ännern | Bornkood ännern]

Makensbrook is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Petrus-Kark in Bookholt tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Hullnst.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Makensbrook geiht de Kreisstraat 43 na Noordoosten na Hullnst an de Landsstraat 141 ran geiht. De L 141 löppt in’n Noorden na Mesborg un Buxthu un in’n Süden över Duhrn na Töst.

De nächste Autobahn is de Autobahn 1. De Opfohrt 45 Hullnst liggt so twee Kilometer in’n Noordoosten von Makensbrook an de L 141.

De nächste Bahnhoff is so bi ölven Kilometer wied weg in’n Süden de Bahnhoff Töst an de Bahnlien Hamborg–Bremen.

Scholen[ännern | Bornkood ännern]

De Grundschölers ut Makensbrook gaht na de Grundschool Hullnst.

Footnoten[ännern | Bornkood ännern]

  1. http://www.denkmalprojekt.org/dkm_deutschland/hollenstedt_wk1u2_ns.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 171: https://books.google.de/books?id=jN5QAAAAcAAJ&pg=PA171
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61: http://books.google.de/books?id=Q 5OAAAAcAAJ&pg=PA61
  4. C. H. Jansen: Statistisches Handbuch des Königreichs Hannover. 1824, Sied 454: http://books.google.de/books?id=tG0AAAAAcAAJ&pg=PA454
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131