Hääg

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hääg
Laag vun Hääg in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Duhrn
Inwahners:
Hööchd: 53 m över NN
Postleettall: 21255
Vörwahl: 04182
Geograafsche Laag:
Koordinaten:53° 19′ N, 9° 42′ O
53° 19′ N, 9° 42′ O

Hääg (hoochdüütsch Gehege) is en Dörp in de Gemeen Duhrn (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Duhrn mit bi.

Geografie[ännern | Bornkood ännern]

Hääg liggt in de Lümbörger Heid. In’n Oosten flütt de Duhrner Möhlenbeek langs, de in’n Noordoosten in de Eest münnt.

De Naveröörd sünd Makensbrook in’n Noorden, Dierstörp in’n Noordoosten, Dreest un Boitschen in’n Oosten, Kakenstörp in’n Süüdoosten, Duhrn in’n Süden, Avens in’n Westen un Hollinn in’n Noordwesten.

Historie[ännern | Bornkood ännern]

Hääg weer fröher en enkelten Hoff. Eerst in dat 20. Johrhunnert sünd dor denn bilütten mehr Hüüs boot worrn.

1954 hett Willi Wegewitz bi Hääg en Urnen-Grafffeld ut de Tied von 500 bet 300 v. Chr. utgraavt.

Verwaltungsgeschicht[ännern | Bornkood ännern]

De Oort hett vör 1852 to de Vaagdie Töst in dat Amt Horborg tohöört. 1852 is de Oort in dat Amt Mesborg wesselt. Dor is he bet 1859 bleven, denn is dor dat Amt Töst von worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

Religion[ännern | Bornkood ännern]

Hääg is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Hääg löppt de Landsstraat 141, de in’n Noorden na Hullnst, Mesborg un Buxthu geiht un in’n Süden na Duhrn un Töst un dor an de Bundsstraat 75.

De nächste Autobahn is de Autobahn 1. De Opfohrt 45 Hullnst liggt so veer Kilometer in’n Noorden von Hääg an de L 141.

De nächste Bahnhoff is so bi söven Kilometer wied weg in’n Süden de Bahnhoff Töst an de Bahnlien Hamborg–Bremen.

Scholen[ännern | Bornkood ännern]

De Kinner ut Hääg gaht na de Grundschool Wist. Nadem se mit de Grundschool trech sünd, gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst. In Duhrn hett dat von 1995 bet 2015 en Kita geven.