Evsdörp

Vun Wikipedia
Zur Navigation springen Zur Suche springen
Wapen/Flagg Koort

Wapen vun Evsdörp

Evsdörp
Laag vun Evsdörp in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Heidenau
Inwahners:
Postleettall: 21258
Vörwahl: 04182
Geograafsche Laag:
Koordinaten:53° 19′ N, 9° 39′ O
53° 19′ N, 9° 39′ O

Heidenauer Ries: Findling in Evsdörp (an de Eck Hauptstraat/Poststraat)

Evsdörp (hoochdüütsch Everstorf) is en Dörp in de Gemeen Heidenau (Samtgemeen Töst) in’n Landkreis Horborg, Neddersassen. To Evsdörp höört von öllers ok de lüttjeren Öörd Veloh, Kallmoor un Hollinn mit to. De Oort Evsdörpermoor liggt en poor Kilometer in’n Südwesten in dat Tisser Buurnmoor/Ekelmoor, höört aver liekers as Moorkolonie von öllers to Evsdörp.

Geografie[ännern | Bornkood ännern]

De Naveröörd sünd Hollinn un Holv in’n Noorden, Holtörp mit Holtörper Heid un Makensbrook in’n Noordoosten, Avens in’n Oosten, Wüstenhöben, Töst un Wist in’n Süüdoosten, Wümm in’n Süden, Veloh, Evsdörpermoor, Avensermoor, de Herwigshoff un Kalf in’n Süüdwesten, Freetz in’n Westen un Ramshuus, Kallmoor un Hassbossel in’n Noordwesten.

Historie[ännern | Bornkood ännern]

Evsdörp kummt 1244 toeerst in de Oorkunnen vör.

In’n Eersten Weltkrieg sünd 15 Soldaten ut Evsdörp fullen oder vermisst.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hollinn in’n Kanton Mesborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Töst in’n Kanton Töst.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

1929 hebbt sik Avens un Evsdörp tohoopslaten un de ne’e Gemeen Heidenau billt.

Inwahnertall[ännern | Bornkood ännern]

Johr Inwahners
1791-00-001791[2] 15 Füürsteden
1812-00-001812[3] 154
1824-00-001824[4] 30 Füürsteden
1848-00-001848[5] 245 Lüüd. 44 Hüüs
1871-12-011. Dezember 1871[6] 271 Lüüd. 54 Hüüs
1885-12-011. Dezember 1885[7] 293 Lüüd. 57 Hüüs
1905-12-011. Dezember 1905[8] 336 Lüüd. 62 Hüüs
1910-12-011. Dezember 1910[9] 497*
* tohoop mit Evsdörpermoor, Hollinn, Kallmoor un Veloh

Religion[ännern | Bornkood ännern]

Evsdörp is evangeelsch-luthersch präägt un hett siet 1977 mit de Maria-Magdalena-Kark en egen Kark. Vörher hett de Oort to dat Kaspel von de Andreas-Kark in Hullnst tohöört.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

En Denkmaal för de Fullenen ut den Eersten Weltkrieg steiht in Evsdörp an de Eck Evsdörper Straat/Poststraat.

Verenen[ännern | Bornkood ännern]

De Schüttenvereen Avens-Evsdörp is 1925 grünnt worrn un hett 1929 den ne’en Naam Schüttenvereen Heidenau kregen.

Weertschop un Infrastruktur[ännern | Bornkood ännern]

De freewillige Füürwehr Heidenau is för Avens un Evsdörp tostännig.

Verkehr[ännern | Bornkood ännern]

Dör Evsdörp löppt de Kreisstraat 15, de in’n Noorden över Hollinn na Holv geiht un in’n Süüdoosten över Avens un Wüstenhöben na Töst an de Bundsstraat 75. Lüttjere Straten gifft dat ans över Kallmoor na Kalf un na Veloh an de Landsstraat 142.

De nächste Autobahn is de Autobahn 1. De Opfohrt 46 Heidenau liggt so twee Kilometer in’n Noorden von Evsdörp.

De nächste Bahnhoff is so bi acht Kilometer wied weg in’n Süüdoosten de Bahnhoff Töst an de Bahnlien Hamborg–Bremen. Von 1917 bet 1971 hett dat in Evsdörp ok en Bahnhoff an de Bahnlien Wilst–Töst geven.

Scholen[ännern | Bornkood ännern]

In Evsdörp liggt de Grundschool Heidenau. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 71
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 178
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 93
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 145
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 76
  9. Inwahnertallen op gemeindeverzeichnis.de