Holtörp (Gemeen Resbossel)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21649 | |
| Vörwahl: | 04165 | |
| Geograafsche Laag: | Koordinaten:53° 22′ N, 9° 40′ O53° 22′ N, 9° 40′ O | |
|
| ||
Holtörp (hoochdüütsch Holtorfsbostel) is en Dörp in de Gemeen Resbossel (Samtgemeen Hullnst) in’n Landkreis Horborg, Neddersassen.
Geografie
[ännern | Bornkood ännern]Dat Water ut dat Rebeed flütt över den Starsbeek af.
De Naveröörd sünd Rahmstörp in’n Noorden, Starsbeek un Wosbossel in’n Noordoosten, Hullnst un Makensbrook in’n Süüdoosten, Avens, Evsdörp un Hollinde in’n Süüdwesten, Holv in’n Westen un Resbossel in’n Noordwesten.
Historie
[ännern | Bornkood ännern]Den hoochdüütschen Naam Holtorfsbostel hett de Oort kregen, nadem de Kreis Horborg un de Kreis Winsen 1932 tohoopgahn sünd. Mit Holtörp keem en tweet Oort mit’n sülven Naam in’n Kreis, de all beid Holtorf heten hebbt. Dorüm is de een Oort to Holtorfsloh worrn, de annere to Holtorfsbostel. Holtorfsbostel is en Tied lang ok Holtorf II nöömt worrn, üm den Ünnerscheed to maken.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Hullnst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Vaagdie Hullnst von dat Amt Mesborg tohöört. Von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.
De Oort höört siet dat 19. Johrhunnert to de Gemeen Resbossel to.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 5 Füürsteden |
| 1812[2] | 89 |
| 1824[3] | 7 Füürsteden |
| 1848[4] | 60 Lüüd, 8 Hüüs |
| 1. Dezember 1871[5] | 67 Lüüd, 9 Hüüs |
| 1. Dezember 1885[6] | 57 Lüüd, 9 Hüüs |
| 1. Dezember 1905[7] | 65 Lüüd, 10 Hüüs |
Religion
[ännern | Bornkood ännern]Holtörp is evangeelsch-luthersch präägt un höört to dat Kaspel von de Andreas-Kark in Hullnst.
För de Kathoolschen is de St.-Petrus-Kark in Bookholt tostännig.
Weertschop un Infrastruktur
[ännern | Bornkood ännern]För Holtörp is de freewillige Füürwehr Resbossel mit tostännig.
Verkehr
[ännern | Bornkood ännern]Dör Holtörp löppt de Kreisstraat 38, de in’n Noordwesten na Resbossel geiht un in’n Süden an de K 16 ran. De K 16 löppt in’n Westen över Holv un Hassbossel na de Landsstraat 130 bi Sounsiek un in’n Oosten na Hullnst an de L 141.
De L 130 föhrt in’n Noorden na Beekdörp un Obbens un in’n Süüdwesten na Zittens. De L 141 löppt in’n Noorden na Mesborg un Buxthu un in’n Süden na Töst.
De nächste Autobahn is de Autobahn 1 (Afsnidd Hamborg–Bremen). De Opfohrt 45 Hullnst liggt knapp fiev Kilometer in’n Süüdoosten von Holtörp an de L 141.
De nächste Bahnhoff is so bi 14 Kilometer wied weg in’n Süüdoosten de Bahnhoff Sprötz an de Bahnlien Hamborg–Bremen. De Bahnhoff Buxthu an de Nedderelvbahn von Cuxhoben na Hamborg liggt üm un bi 15 Kilometer in’n Noorden.
Scholen
[ännern | Bornkood ännern]De Grundschölers ut Holtörp gaht na de Grundschool Mesborg.
Literatur
[ännern | Bornkood ännern]- Wilhelm Marquardt: Chronik der Gemeinden Halvesbostel mit Holvede und Regesbostel mit Holtorfsbostel und Rahmstorf. Christians, Hamborg 1989
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 112
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 294
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 146
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78
Weblenken
[ännern | Bornkood ännern]
Holtörp (Gemeen Resbossel). Mehr Biller, Videos oder Audiodateien to’t Thema gifft dat bi Wikimedia Commons.
