Starsbeek (Oort)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Starsbeek
Laag vun Starsbeek in Düütschland
Basisdaten
Bundsland: Neddersassen
Landkreis: Horborg
Samtgemeen: Hullnst
Gemeen: Hullnst
Inwahners:
Postleettall: 21279
Vörwahl: 04165
Geograafsche Laag:
Koordinaten:53° 23′ N, 9° 41′ O
53° 23′ N, 9° 41′ O

Starsbeek (hoochdüütsch Staersbeck) is en lütten Oort in de Gemeen Hullnst (Samtgemeen Hullnst) in’n Landkreis Horborg, Neddersassen. De Oort höört polietsch al von öllers bi Wosbossel/Hullnst mit bi.

Geografie[ännern | Bornkood ännern]

De Oort liggt an’n Starsbeek.

De Naveröörd sünd Mesborg in’n Noordoosten, Emm in’n Oosten, Appelbeek un Hullnst in’n Süüdoosten, Wosbossel in’n Süden, Holtörp un Resbossel in’n Süüdwesten un Guldbeek un Rahmstörp in’n Noordwesten.

Historie[ännern | Bornkood ännern]

De Oort Starsbeek is 1597 as Poppeermöhl grünnt worrn.

De eerste Meester op de Möhl weer Paul Hassen.[1] Von 1602 bet 1611 weer dat Jacob Höffer un na em von 1611 bet üm un bi 1621 Hans Lafrens.[1] Na Lafrens sien Dood hett siene Weetfro, Isabe, Andreas Lange freet, de von 1622 bet 1625 Meester op de Möhl weer.[1] 1625 is ok Lange doodbleven un siene Fro hett dat Leid över de Möhl hatt.[1] 1634 hett David Dannenberg de Möhl övernahmen un von 1639 bet 1642 Michell Carstens.[1] 1642 is he doodbleven un siene Weetfro hett de Möhl föhrt, bet sien Söhn Michall Carstens de Möhl övernahmen hett.[1]

Na Carstens weer von 1663 bet 1667 Johann Gesell Besitter von de Möhl.[1] Na Gesell sien Dood hett Albrecht Möller de Möhl övernahmen un denn sien Söhn Johan Möller.[1]

1864 hett Georg Claus Heinrich Kück de Möhl verköfft. un dor is en Fabrik för Kunstwull in inricht worrn.[1]

Eerst in disse Tied, as de Möhl as Fabrik bruukt worrn is, is üm de Möhl rüm en lütten Oort wussen.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hullnst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Vaagdie Hullnst von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

Inwahnertall[ännern | Bornkood ännern]

Johr Inwahners
1824-00-001824[2] 1 Füürsteed
1848-00-001848[3] 33 Lüüd. 1 Huus
1871-12-011. Dezember 1871[4] 38 Lüüd. 4 Hüüs
1885-12-011. Dezember 1885[5] 85 Lüüd. 6 Hüüs

Religion[ännern | Bornkood ännern]

Starsbeek is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Petrus-Kark in Bookholt tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Starsbeek löppt de Kreisstraat 62, de in’n Noordwesten in Rahmstörp an de K 17 ran geiht un in’n Süüdoosten in Hullnst an de Landsstraat 141. In’n Noorden geiht de Starsbeker Weg na Mesborg an de L 141 ran un in’n Westen en lüttjere Straat na Resbossel. De L 141 löppt von Mesborg in’n Noorden na Buxthu an de Bundsstraat 73 un von Hullnst in’n Süden na Töst an de Bundsstraat 75.

De nächste Autobahn is de Autobahn 1 (Afsnidd HamborgBremen). De Opfohrt 45 Hullnst liggt so veer Kilometer in’n Süüdoosten von Starsbeek an de L 141.

De nächste Bahnhoff is so bi ölven Kilometer wied weg in’n Noorden de Bahnhoff Buxthu an de Nedderelvbahn von Cuxhoben na Hamborg. De Bahnhoff Sprötz liggt 14 Kilometer in’n Süüdoosten an de Bahnlien Hamborg–Bremen. Von 1902 bet 1968 hett dat ok Personenverkehr op de Bahnlien Bremervöör–Bookholt geven. De Oort harr en egen Bahnhoff an disse Bahnlien, de ok för den Oort Mesborg mit dor weer.

Scholen[ännern | Bornkood ännern]

De Grundschölers ut Starsbeek gaht na de Grundschool Hullnst.

Literatur[ännern | Bornkood ännern]

  • Wilhelm Marquardt: Chronik der Gemeinde Hollenstedt. Mit Emmen, Ochtmannsbruch, Staersbeck, Wohlesbostel (Landkreis Harburg). Gemeen Hullnst, Hullnst 1986

Footnoten[ännern | Bornkood ännern]

  1. a b c d e f g h i http://argewe.lima-city.de/wewa2/s-orte/staersbeck/ort-ind4.htm
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 572
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 145