Wosbossel

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Wosbossel
Laag vun Wosbossel in Düütschland
Basisdaten
Bundsland: Neddersassen
Landkreis: Horborg
Samtgemeen: Hullnst
Gemeen: Hullnst
Inwahners:
Postleettall: 21279
Vörwahl: 04165
Geograafsche Laag:
Koordinaten:53° 23′ N, 9° 41′ O
53° 23′ N, 9° 41′ O

Wosbossel (hoochdüütsch Wohlesbostel) is en Dörp in de Gemeen Hullnst (Samtgemeen Hullnst) in’n Landkreis Horborg, Neddersassen. To Wosbossel höört von öllers al de Poppeermöhl von Starsbeek mit to. Wosbossel sülvs weer aver ok to keen Tied en egen Gemeen un hett al jümmer to Hullnst mit tohöört.

Geografie[ännern | Bornkood ännern]

De Oort liggt dicht bi’n Starsbeek.

De Naveröörd sünd Starsbeek in’n Noorden, Mesborg un Emm in’n Noordoosten, Hullnst in’n Süüdoosten, Holtörp in’n Süüdwesten, Resbossel in’n Westen un Rahmstörp in’n Noordwesten.

Historie[ännern | Bornkood ännern]

Nadem Graaf Dierk III. von Katelnborg von sien Vader Land arvt harr, hett he bi dat Stiften von dat Klooster Katelnborg dissen Besitt dat Klooster mitgeven. In de Oorkunn von’n 11. November 1105, de dor von berichten deit, kummt de Naam Athelwordesburstel vör. Dor weer wohrschienlich Wosbossel mit meent.

In’n Eersten Weltkrieg sünd negen Soldaten ut Wosbossel fullen oder vermisst un in’n Tweten Weltkrieg 18.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hullnst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Vaagdie Hullnst von dat Amt Mesborg tohöört. Von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

Inwahnertall[ännern | Bornkood ännern]

Johr Inwahners
1791-00-001791[2] 11 Füürsteden
1812-00-001812[3] 84
1824-00-001824[4] 11 Füürsteden
1848-00-001848[5] 71 Lüüd. 13 Hüüs
1871-12-011. Dezember 1871[6] 140 Lüüd. 22 Hüüs
1885-12-011. Dezember 1885[7] 92 Lüüd. 17 Hüüs
1905-12-011. Dezember 1905[8] 113 Lüüd. 20 Hüüs

Religion[ännern | Bornkood ännern]

Wosbossel is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Petrus-Kark in Bookholt tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Wosbossel an de Hauptstraat.

Weertschop un Infrastruktur[ännern | Bornkood ännern]

För Wosbossel is de freewillige Füürwehr Hullnst mit tostännig.

Verkehr[ännern | Bornkood ännern]

Oortsschild mit plattdüütschen Naam

Dör Wosbossel löppt de Kreisstraat 62, de in’n Noordwesten na Rahmstörp an de K 17 geiht un in’n Süüdoosten na Hullnst an de Landsstraat 141. De L 141 föhrt in’n Süden na Töst un in’n Noorden över Mesborg na Buxthu. De K 17 löppt von Rahmstörp in’n Noordwesten na Beekdörp an de L 130 un in’n Oosten na Mesborg.

De nächste Autobahn is de Autobahn 1 (Afsnidd HamborgBremen). De Opfohrt 45 Hullnst liggt so dree Kilometer in’n Süüdoosten von Wosbossel an de L 141.

De nächste Bahnhoff is so bi ölven Kilometer wied weg in’n Noorden de Bahnhoff Buxthu an de Nedderelvbahn von Cuxhoben na Hamborg. De Bahnhoff Töst liggt 14 Kilometer in’n Süden an de Bahnlien Hamborg–Bremen. Von 1902 bet 1968 hett dat ok Personenverkehr op de Bahnlien Bremervöör–Bookholt geven. De nächste Bahnhoff an disse Bahnlien weer een Kilometer in’n Noorden in Starsbeek.

Wosbossel hett Oortsschiller, op de ok de plattdüütsche Naam blangen den hoochdüütschen mit opsteiht.

Scholen[ännern | Bornkood ännern]

De Grundschölers ut Wosbossel gaht na de Grundschool Hullnst.

Literatur[ännern | Bornkood ännern]

  • Wilhelm Marquardt: Chronik der Gemeinde Hollenstedt. Mit Emmen, Ochtmannsbruch, Staersbeck, Wohlesbostel (Landkreis Harburg). Gemeen Hullnst, Hullnst 1986

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 256
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 680
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 145
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 77