Hollinn

Vun Wikipedia
(wiederwiest vun Hollinde)
Zur Navigation springen Zur Suche springen
Wapen/Flagg Koort
hett keen Wapen
Hollinn
Laag vun Hollinn in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Heidenau
Inwahners:
Postleettall: 21258
Vörwahl: 04182
Geograafsche Laag:
Koordinaten:53° 21′ N, 9° 38′ O
53° 21′ N, 9° 38′ O

Hollinn (hoochdüütsch Hollinde) is en lütten Oort in de Gemeen Heidenau (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Evsdörp mit bi.

Geografie[ännern | Bornkood ännern]

In’n Noorden von’n Oort flütt de Hollinner Beek na’n Staarsbeek hen un in’n Süüdoosten doot en Reeg Gravens liggen, de de Au spiesen doot. In’n Noordoosten liggt dat Naturschuulrebeed Springmoor bi Hullnst.

De Naveröörd sünd Holv in’n Noorden, Resbossel, Holtörp mit Holtörper Heid un Hullnst in’n Noordoosten, Makensbrook in’n Oosten, Hääg un Avens in’n Süüdoosten, Evsdörp in’n Süden, Barkenbüschen un Kallmoor in’n Süüdwesten, Ramshuus in’n Westen un Hassbossel in’n Noordwesten.

Historie[ännern | Bornkood ännern]

De Haupthoff hett de Familie Wilken tohöört. In de Midd von dat 20. Johrhunnert weer de Hoff 169,5 Hektar groot.[1]

In’n Eersten Weltkrieg is een Soldaat ut Hollinn fullen oder vermisst.[2]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Oort in dat Amt Mesborg wesselt. Dor is he bet 1859 bleven, denn is dor dat Amt Töst von worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

Hollinn höört von öllers bi Evsdörp mit bi. De Gemeen Evsdörp hett sik 1929 mit de Gemeen Avens to de Gemeen Heidenau tohoopslaten. An’n 1. Juli 1972 is de Gemeen Heidenau Maat von de Samtgemeen Töst worrn.

Inwahnertall[ännern | Bornkood ännern]

Johr Inwahners
1793-00-001793[3] 2 Füürsteden
1824-00-001824[4] 4 Füürsteden
1848-00-001848[5] 29 Lüüd. 5 Hüüs
1871-12-011. Dezember 1871[6] 32 Lüüd. 4 Hüüs

Religion[ännern | Bornkood ännern]

Hollinn is evangeelsch-luthersch präägt un höört siet 1977 to dat Kaspel von de Maria-Magdalena-Kark in Heidenau. Fröher hett de Oort to dat Kaspel von de Andreas-Kark in Hullnst höört.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

En Denkmaal för de Fullenen ut den Eersten Weltkrieg steiht in Evsdörp. För de Fullenen ut’n Tweten Weltkrieg gifft dat en Gedenkbook in de Kark in Töst.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Hollinn löppt de Kreisstraat 15, de in’n Noorden na Holv an de K 16 geiht un in’n Süüdoosten över Evsdörp un Avens na Töst an de Bundsstraat 75. De K 16 löppt von Holv ut in’n Westen an de Landsstraat 130 un in’n Oosten na Hullnst. De B 75 löppt von Töst ut in’n Süüdwesten na Lauenbrüch, Scheeßl un Rodenborg un in’n Noordoosten över Kakenstörp un an Bookholt langs.

De nächste Autobahn is de Autobahn 1. De Opfohrt 46 Heidenau liggt direkt an’n Süüdrand von Hollinn.

De nächste Bahnhoff is so bi ölven Kilometer wied weg in’n Süüdoosten de Bahnhoff Töst an de Bahnlien Hamborg–Bremen.

Scholen[ännern | Bornkood ännern]

De Kinner ut Hollinn gaht na de Grundschool Heidenau in Evsdörp. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Footnoten[ännern | Bornkood ännern]

  1. Gothaisches genealogisches Taschenbuch der adeligen Häuser. Deutscher Uradel. Band 40, Justus Perthes, 1941, Sied 436
  2. http://www.denkmalprojekt.org/2009/heidenau_everstorfer_poststr_wk1_ns.htm
  3. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 111: https://books.google.de/books?id=jN5QAAAAcAAJ&pg=RA1-PA111
  4. C. H. Jansen: Statistisches Handbuch des Königreichs Hannover. 1824, Sied 292: http://books.google.de/books?id=tG0AAAAAcAAJ&pg=PA292
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131