Kallmoor

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Kallmoor
Laag vun Kallmoor in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Heidenau
Inwahners:
Postleettall: 21258
Vörwahl: 04182
Geograafsche Laag:
Koordinaten:53° 19′ N, 9° 36′ O
53° 19′ N, 9° 36′ O

Kallmoor (hoochdüütsch Kallmoor) is en lütten Oort in de Gemeen Heidenau (Samtgemeen Töst) in’n Landkreis Horborg, Neddersassen. De Oort höört polietsch von öllers bi Evsdörp mit bi.

Geografie[ännern | Bornkood ännern]

In’n Westen von’n Oort liggt de Thörenwoold. In’n Oosten un Noorden flütt de Au üm Kallmoor rüm.

De Naveröörd sünd Hassbossel in’n Noorden, Hollinde in’n Noordoosten, Barkenbüschen, Evsdörp un Avens in’n Süüdoosten, de Herwigshoff in’n Süden, Kalf un Freetz in’n Süüdwesten un Ramshuus un Bockhorst in’n Noordwesten.

Historie[ännern | Bornkood ännern]

In’n Eersten Weltkrieg sünd twee Soldaten ut Kallmoor fullen oder vermisst[1] un in’n Tweten Weltkrieg een.[2]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Oort in dat Amt Mesborg wesselt. Dor is he bet 1859 bleven, denn is dor dat Amt Töst von worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

Kallmoor höört von öllers bi Evsdörp mit bi. De Gemeen Evsdörp hett sik 1928 mit de Gemeen Avens to de Gemeen Heidenau tohoopslaten. An’n 1. Juli 1972 is de Gemeen Heidenau Maat von de Samtgemeen Töst worrn.

Inwahnertall[ännern | Bornkood ännern]

Johr Inwahners
1793-00-001793[3] 3 Füürsteden
1824-00-001824[4] 3 Füürsteden
1848-00-001848[5] 29 Lüüd. 4 Hüüs
1871-12-011. Dezember 1871[6] 26 Lüüd. 4 Hüüs

Religion[ännern | Bornkood ännern]

Kallmoor is evangeelsch-luthersch präägt un höört siet 1977 to dat Kaspel von de Maria-Magdalena-Kark in Heidenau. Fröher hett de Oort to dat Kaspel von de Andreas-Kark in Hullnst höört.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

En Denkmaal för de Fullenen ut den Eersten Weltkrieg steiht in Evsdörp. För de Fullenen ut’n Tweten Weltkrieg gifft dat en Gedenkbook in de Kark in Töst.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Kallmoor gifft dat lüttjere Straten na Hassbossel (K 16), Kalf (L 142) un Heidenau (K 15).

De nächste Autobahn is de Autobahn 1. De Opfohrt 46 Heidenau liggt so söss Kilometer in’n Noordoosten von Kallmoor. De Autobahn löppt ok an Kallmoor langs – kuum hunnert Meter von’n Oort af.

De nächste Bahnhoff is so bi twölv Kilometer wied weg in’n Süüdoosten de Bahnhoff Töst an de Bahnlien Hamborg–Bremen.

Scholen[ännern | Bornkood ännern]

De Kinner ut Kallmoor gaht na de Grundschool Heidenau in Evsdörp. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Footnoten[ännern | Bornkood ännern]

  1. http://www.denkmalprojekt.org/2009/heidenau_everstorfer_poststr_wk1_ns.htm
  2. http://www.denkmalprojekt.org/dkm_deutschland/tostedt_gedenkbuch.htm
  3. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 45: https://books.google.de/books?id=jN5QAAAAcAAJ&pg=RA1-PA45
  4. C. H. Jansen: Statistisches Handbuch des Königreichs Hannover. 1824, Sied 110: http://books.google.de/books?id=tG0AAAAAcAAJ&pg=RA1-PA110
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131