Kooldhuus

Dat fröhere Köhlhuus von Wiegersen (1959 boot)

En Kooldhuus oder ok Köhlhuus is en Huus, dat Lüüd gemeensam bruukt, dat se dor Saken infroren lagern köönt.

Fröher weren Köhltruhn noch temlich düür un kuum een kunn sik en egen Truh in’t Huus liesten. Se hebbt also gemeensam en Huus bedreven, dat en grote Köhlanlaag harr. De Kösten för een grote Anlaag sünd nich so groot as för vele lütte Anlagen. Elkeen Huusholt harr sien egen Fack in’t Kooldhuus. In dat letzte Drüddel vun dat 20. Johrhunnert sünd vele vun disse Kooldhüüs denn wedder oplööst worrn. De Köhltruhn weren nu nich mehr so düür un ok wenn en Kooldhuus noch jümmer veel effizienter weer as en Köhltruh, weer de Köhltruh in’t Huus doch bequemer as jümmer na’t Kooldhuus hen. Poor Hüüs sünd noch nableven, sünd aver nich mehr veel.