Brüttendörp

Vun Wikipedia
Wapen/Flagg Koort
Wapen unbekannt
Brüttendörp
Laag vun Brüttendörp in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Zeven
Inwahners: 224 (2016-06-3030. Juni 2016)
Hööchd: 27 m över NHN
Postleettall: 27404
Vörwahl: 04281
Geograafsche Laag:
Koordinaten:53° 16′ N, 9° 17′ O
53° 16′ N, 9° 17′ O

Karte

Brüttendörp (hoochdüütsch Brüttendorf) is en Dörp in de Gemeen Zeven in’n Landkreis Rodenborg, Neddersassen.

Geografie[ännern | Bornkood ännern]

Na Süüdwesten to liggt dat Naturschuulrebeed Hemelsmoor un bi 200 Meter in’n Oosten von Brüttendörp flütt de Meh-Au langs.

De Naveröörd sünd Zeven in’n Noorden, Asp in’n Noordoosten, Wist in’n Oosten, Osenhorst un Elsdörp in’n Süüdoosten, Wehldörp mit Wehldörper Holt in’n Süden, Steenfeld in’n Süüdwesten, Brümmerhoff un Oostertimk in’n Westen un Olendörp in’n Noordwesten.

Historie[ännern | Bornkood ännern]

Gedenksteen to’n Weddstried Uns Dörp schall schöner warrn

In de Johren 1820 weer Brüttendörp een von de Öörd, de Carl Friedrich Gauß bi de Gaußsche Landsopnahm anpeilt hett.

In’n Eersten Weltkrieg sünd ölven Soldaten ut Brüttendörp fullen oder vermisst[1] un in’n Tweten 26.

1995 weer dat Dörp Kreiswinner bi’n Weddstried Uns Dörp schall schöner warrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Jeem in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Huusvaagdie Zeven von dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

Von 1965 bet 1974 weer de Gemeen Brüttendörp Maat von de Samtgemeen Zeven. De Oort is mit de Gemeenreform in Neddersassen an’n 1. März 1974 Deel von de Gemeen Zeven worrn.

Inwahnertall[ännern | Bornkood ännern]

Johr Inwahners
1812-00-001812[2] 103
1824-00-001824[3] 13 Füürsteden
1848-00-001848[4] 179 Lüüd, 30 Hüüs
1910-12-011. Dezember 1910[5] 192
1925-00-001925[6] 208
1933-00-001933[6] 218
1939-00-001939[6] 201

Religion[ännern | Bornkood ännern]

Brüttendörp is evangeelsch-luthersch präägt un höört to dat Kaspel von de Vitus-Kark in Zeven.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Kultur[ännern | Bornkood ännern]

Denkmaal för de Fullenen ut de twee Weltkrieg’

En Denkmaal för de Fullenen ut den Eersten Weltkrieg steiht in Zeven bi de Kark. Ok in Brüttendörp sülvs gifft dat en Kriegerdenkmaal för de Fullenen ut de twee Weltkrieg’.

Verenen[ännern | Bornkood ännern]

1920 hebbt sik Lüüd ut Wehldörp, Brüttendörp un Brümmerhoff tohoopdaan un den Schützenvereen Wehldörp-Brüttendörp grünnt. Dat hett aver nich goodgahn un 1921 hebbt de Brüttendörpers un Brümmerhoffers jemehr egen Vereen grünnt.[7]

Weertschop un Infrastruktur[ännern | Bornkood ännern]

Sprüttenhuus in Brüttendörp

Brüttendörp hett en egene freewillige Füürwehr.

Verkehr[ännern | Bornkood ännern]

Dör Brüttendörp löppt de Bundsstraat 71, de in’n Noorden na Zeven, Sürsen un Bremervöör geiht un in’n Süüdoosten na Rodenborg. De Landsstraat 132 löppt na Süüdwesten över Brümmerhoff, Steenfeld, Vörwark un Otterst na Otterbarg.

So bi fiev Kilometer in’n Süüdoosten löppt de Autobahn 1 an Brüttendörp langs. De Opfohrt 49 Bokel is so acht Kilometer in’n Süden von Brüttendörp.

De nächste Bahnhoff is so bi 20 Kilometer wied weg de Bahnhoff Rodenborg an de Bahnlien Bremen–Hamborg.

Scholen[ännern | Bornkood ännern]

Fröher harr dat Dörp en egen Volksschool. Vondaag is in dat Gebüüd de Füürwehr ünnerbrocht.

Footnoten[ännern | Bornkood ännern]

  1. Onlineprojekt Gefallenendenkmäler
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98: http://books.google.de/books?id=Q 5OAAAAcAAJ&pg=PA98
  3. C. H. Jansen: Statistisches Handbuch des Königreichs Hannover. 1824, Sied 96: http://books.google.de/books?id=tG0AAAAAcAAJ&pg=PA96
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
  5. http://www.gemeindeverzeichnis.de/gem1900/gem1900.htm?hannover/zeven.htm
  6. a b c http://www.verwaltungsgeschichte.de/bremervoerde.html
  7. http://www.sv-brüttendorf.de/geschichte/

Weblenken[ännern | Bornkood ännern]

Brüttendörp. Mehr Biller, Videos oder Audiodateien to’t Thema gifft dat bi Wikimedia Commons.