Vörwark (Neddersassen)

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Vörwark

Vörwark
Laag vun Vörwark in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Tarms
Gemeen: Vörwark
Inwahners:
Postleettall: 27412
Vörwahl: 04288
Geograafsche Laag:
Koordinaten:53° 11′ N, 9° 9′ O
53° 11′ N, 9° 9′ O
De Klockenstohl (1976 nee boot) in de Oortsmidd von Vörwark
De Findling in de Oortsmidd von Vörwark blangen den Klockenstohl

Vörwark (hoochdüütsch Vorwerk) is en Dörp in de Gemeen Vörwark (Samtgemeen Tarms) in’n Landkreis Rodenborg (Wümm), Neddersassen.

To Vörwark höört polietsch von öllers ok de Hoff Hollinghusen un de fröhere Hoff Hollen mit to.

Geografie[ännern | Bornkood ännern]

De Landschop is vör allen dör de Bueree prägt, bargt aver ok Wooldflachen.

De Naveröörd sünd Büls in’n Noorden, Steenfeld un Winkeldörp in’n Noordoosten, Horß, Stapel un Benkel in’n Süüdoosten, Hollinghusen, Northauen un Otterst in’n Süden, Dipshoorn un Bookholt in’n Süüdwesten, Wilst in’n Westen un Tarmst in’n Noordwesten.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Otterbarg in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Amtsvaagdie Wilst in dat Amt Otterbarg tohöört un denn von 1859 bet 1885 to dat Amt Zeven. Na 1885 weer dat in’n Kreis Zeven, is 1932 Deel von’n Kreis Bremervöör worrn un 1977 von’n Landkreis Rodenborg.

De Oort is an’n 1. März 1974 mit de Gemeenreform in Neddersassen tohoop mit Bookholt un Dipshoorn Deel von de nu gröttere Gemeen Vörwark worrn.

Inwahnertall[ännern | Bornkood ännern]

Johr Inwahners
1793-00-00 1793[1] 13 Füürsteden
1812-00-00 1812[2] 123
1824-00-00 1824[3] 20 Füürsteden
1848-00-00 1848[4] 183 Lüüd. 30 Hüüs
1871-12-011. Dezember 1871[5] 174 Lüüd. 35 Hüüs
1910-12-011. Dezember 1910[6] 226
1925-00-00 1925[7] 250
1933-00-00 1933[7] 246
1939-00-00 1939[7] 222

Religion[ännern | Bornkood ännern]

Vörwark is evangeelsch-luthersch präägt un höört to dat Kaspel von de Petri-Kark in Wilst.

För de Kathoolschen is de Corpus-Christi-Kark in Rodenborg tostännig.

Kultur[ännern | Bornkood ännern]

Vörwark hett en ollen Oortskarn mit pleegte Fachwarkhüüs un en Klockentoorn. Dicht bi den Toorn gifft dat en groten Findling ut Granit, de ruchweg 33 Tünnen wiggt. An den Oort grenzt dat Wooldrebeet „De Linnewedel“ mit sien Wanner- und Radweeg.

Weertschop un Infrastruktur[ännern | Bornkood ännern]

Vörwark hett en egene freewillige Füürwehr, de 1943 grünnt worrn is.

Verkehr[ännern | Bornkood ännern]

Dör de Randlaag in’n Landkreis, verloopt över dat Gemeenrebeet keen grote Straten, liekers is de BAB 1 nich wiet weg. Över de Anslussteden 49 Bokel oder 50 Stuckenbossel is dor gau hen to kamen. Dör Vörwark verlöppt de L 132, de Steenfeld mit Otters verbinnt. In Vörwark twiegt dorvun de K 128 af, de na Wilst föhrt. Vun Wilst ut föhrt de K 146 över Dipshoorn wieter – achter de Kreisgrenz as K 33 – na Otters. Un ok vun Wilst ut geiht de K 113 över Bookholt wieter na Quelkhorn, wat ok al to de Eenheitsgemeen Otterbarg höört.

De nächste Bahnhoff is so bi ölven Kilometer wied weg in’n Süden de Bahnhoff Otterbarg an de Bahnlien Hamborg–Bremen.

Lüüd[ännern | Bornkood ännern]

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 238: https://books.google.de/books?id=jN5QAAAAcAAJ&pg=PA238
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 97: http://books.google.de/books?id=Q 5OAAAAcAAJ&pg=PA97
  3. C. H. Jansen: Statistisches Handbuch des Königreichs Hannover. 1824, Sied 628: http://books.google.de/books?id=tG0AAAAAcAAJ&pg=PA628
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 172: https://books.google.de/books?id=qTZDAQAAMAAJ&pg=RA1-PA172
  6. http://www.gemeindeverzeichnis.de/gem1900/gem1900.htm?hannover/zeven.htm
  7. 7,0 7,1 7,2 http://www.verwaltungsgeschichte.de/bremervoerde.html