Benkel
Dit Woort hett noch annere Bedüden: kiek dorför ünner Holger Benkel.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28870 | |
| Vörwahl: | 04288 | |
| Geograafsche Laag: | Koordinaten:53° 10′ N, 9° 11′ O53° 10′ N, 9° 11′ O | |
|
| ||
Benkel (hoochdüütsch Benkel) is en Dörp in de Gemeen Otterbarg in’n Landkreis Veern, Neddersassen. Binnen de Gemeen Otterbarg höört de Oort to de polietsche Oortschop Otterst.
Geografie
[ännern | Bornkood ännern]Benkel liggt op de Geest. De höögste Punkt is de Hasenbarg mit 29,07 m över NN. An’n Süüdrand von dat Dörp flütt de Otterster Beek langs.
De Naveröörd sünd Stapel un Horß in’n Noordoosten, Taaken in’n Süüdoosten, Northauen in’n Süden, Otterst in’n Süüdwesten, Dipshoorn in’n Westen un Vörwark in’n Noordwesten. Afsehn von Narthauen un Otterst doot disse Öörd all in’n Landkreis Rodenborg liggen, von den Benkel op dree Sieden ümgeven is. Mit’n Rest von’n Landkreis Veern is Benkel blots över en lütt Enn in’n Süüdwesten verbunnen. De Straten na buten dat Dörp gaht all dör’n Kreis Rodenborg.
Historie
[ännern | Bornkood ännern]Verwaltungsgeschicht
[ännern | Bornkood ännern]Vör 1859 leeg Benkel in de Huusvaagdie Otterbarg von dat Amt Otterbarg un denn von 1859 bet 1885 in’t Amt Achem. Na 1885 weer de Oort in’n Kreis Achem, de 1932 denn Deel von’n Kreis Veern worrn is.
An’n 1. Juli 1972 is de Gemeen Benkel mit de Gemeenreform in Neddersassen Deel von de Gemeen Otterbarg worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 9 Füürsteden |
| 1848[2] | 78 Lüüd, 15 Hüüs |
| 1. Dezember 1910[3] | 69 |
| 1925[4] | 79 |
| 1933[4] | 80 |
| 1939[4] | 73 |
Religion
[ännern | Bornkood ännern]Benkel is evangeelsch-luthersch präägt un höört to dat Kaspel von de Martinskark in Otterst.
Weertschop un Infrastruktur
[ännern | Bornkood ännern]För Benkel is de Freewillige Füürwehr Otterst mit tostännig.
Verkehr
[ännern | Bornkood ännern]Von Benkel gaht lüttjere Straten na Stapel an de Kreisstraat 203, na Taaken an de K 203, na Northauen an de K 4 un na de Landsstraat 132. De nächsten Opfohrten op de Autobahn 1 (Afsnidd Hamborg–Bremen) sünd de Opfohrt 50 Stuckenbossel un de Opfohrt 49 Bokel, de all beid so bi söven Kilometer weg sünd.
De nächsten Bahnhööv sünd de in Söttmer un in Otterbarg an de Bahnlien Bremen–Hamborg.
Literatur
[ännern | Bornkood ännern]- Dietrich Ostmann, Horst-Günther Vogeler, Gernot Wolcke: Bilder aus Ottersberg: Und den Ortsteilen Otterstedt, Eckstever, Narthauen, Benkel, Posthausen, Fischerhude und Quelkhorn. Atelier im Bauernhaus, 1985
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 48: http://books.google.de/books?id=tG0AAAAAcAAJ&pg=PA48
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/achim.htm
- ↑ a b c http://www.verwaltungsgeschichte.de/verden.html