Quelkhoorn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Hööchd: | 29 m över NN | |
| Postleettall: | 28870 | |
| Vörwahl: | 04293 | |
| Geograafsche Laag: | Koordinaten:53° 8′ N, 9° 5′ O53° 8′ N, 9° 5′ O | |
|
| ||
Quelkhoorn (hoochdüütsch Quelkhorn) is en Dörp in de Gemeen Otterbarg in’n Landkreis Veern, Neddersassen. Bi Quelkhoorn höört ok de fröheren Öörd Willemshusen un Suurheid mit to.
Geografie
[ännern | Bornkood ännern]An’n Süüdrand von dat Dörp flütt de Wümm langs, de den Oort von Hu’e trennt.
De Naveröörd sünd Bookholt un Dipshorn in’n Noordoosten, Otterst un Eckstever in’n Oosten, Otterbarg in’n Süüdoosten, Hu’e in’n Süden un Rutendörp in’n Westen un Noordwesten.
Historie
[ännern | Bornkood ännern]Quelkhoorn kummt 1124 as Quilechorne toeerst in de Oorkunnen vör.[1] Dat hett to de Tied to dat Kaspel Wilst tohöört un weer in’n Besitt von dat Klooster Rastäe. Dat Patronat över dat Kaspel is later an de Greven von Ollnborg övergahn. Dat is bet in dat 19. Johrhunnert Besitt von de Greven bleven.
De Windmöhl in Quelkhoorn is 1880 op’n Parzival-Hoff op’n Möhlenbarg boot worrn. Dat is en Eerd-Hollander.
In’n Juli 1921 hett dat in Quelkhoorn na en Storm en Grootbrand geven, bi den 17 Hüüs afbrennt sünd.[2]
An’t Enn von’n Tweten Weltkrieg is de Oort an’n 29. April 1945 von de Briten besett worrn.[3]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Hu’e in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Amtsvaagdie Wilst in dat Amt Otterbarg tohöört. 1859 is dat denn an dat Amt Zeven wesselt. De Düvelsdörpschen un Klenkschen Anboereen op dat Quelkhoorner Moor sünd dör en Verordnung von’n 22. Mai 1861 aver to’n 1. Juli 1861 in dat Amt Leendaal leggt worrn.[4]
1880 keem Quelkhoorn an dat Amt Achem.[5] Na 1885 weer dat in’n Kreis Achem. 1932 is dat Deel von’n Landkreis Veern worrn.
De Oort is 1968 Deel von de Gemeen Hu’e worrn. De Gemeen Hu’e wedder is an’n 1. Juli 1972 Deel von de Gemeen Otterbarg worrn. Dor höört Quelkhoorn nu to.
Inwahnertall
[ännern | Bornkood ännern]| Johr | Inwahners |
|---|---|
| 1812[6] | 233 |
| 1824[7] | 37 Füürsteden |
| 1848[8] | 277 Lüüd, 43 Hüüs* |
| 1. Dezember 1871[9] | 250 Lüüd, 43 Hüüs |
| 1. Dezember 1910[10] | 589 |
| 1925[11] | 612 |
| 1933[11] | 641 |
| 1939[11] | 639 |
- * tohoop mit Willemshusen, Suurheid un Quelkhoorner Moor
Religion
[ännern | Bornkood ännern]Quelkhoorn is evangeelsch-luthersch präägt un höört to dat Kaspel von de Leevfroon-Kark in Hu’e. Dat is sied 1868 so. Vörher hett de Oort to dat Kaspel von de Petri-Kark in Wilst höört.
För de Kathoolschen is de St.-Matthias-Kark in Achem tostännig.
De Oort hett en egen Karkhoff, de 1869 anleggt worrn is.[5]
Wapen
[ännern | Bornkood ännern]Dat Wapen von’n Oort wiest de Quelkhöörner Möhl.
Kultur
[ännern | Bornkood ännern]Verenen
[ännern | Bornkood ännern]Quelkhoorn hett en Schüttenvereen, de 11. April 1958 grünnt worrn is. De freewillige Füürwehr is an’n 14. August 2009 mit de Füürwehr Hu’e to een Wehr tohoopgahn.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Quelkhoorn löppt de Landsstraat 154, de in’n Noordwesten över Seebargen na Falkenbarg bi Leendaal geiht un in’n Oosten na Otterbarg. In’n Noorden geiht de Kreisstraat 3 na Bookholt un Wilst un in’n Süden de K 2 na Hu’e un Eiten. In’n Noordwesten geiht de K 34 över Rutendörp un Huxfeld na Grasbarg.
De nächste Autobahn is de Autobahn 1. De Opfohrt 50 Stuckenbossel liggt so negen Kilometer in’n Süüdoosten von Quelkhoorn.
De nächste Bahnhoff is so bi söven Kilometer wied weg in’n Süüdoosten in Otterbarg an de Bahnlien Hamborg–Bremen.
Scholen
[ännern | Bornkood ännern]De Grundschölers ut Quelkhoorn gaht na de Grundschool Hu’e. Na de 4. Klass wesselt se in de Regel op de Oberschool Wümmschool in Otterbarg oder op dat Gymnasium Otterbarg.
Lüüd
[ännern | Bornkood ännern]De NSDAP-Politiker Heinrich Peper is 1902 in Quelkhoorn boren un dor 1984 ok doodbleven. De Schauspelerin Hille Darjes is dor ok boren.
Literatur
[ännern | Bornkood ännern]- Quelkhorn im Wandel der Zeit. Schintz Druck, Bremen 1999, ISBN 3-9801388-7-9
Footnoten
[ännern | Bornkood ännern]- ↑ Oorkunn von’n 27. September 1124: Paapst Kalixtus II. bestätigt Rechten un Besitt von dat Klooster Rastäe; Afschrift in Johann Martin Lappenberg (Rutgever): Hamburger Urkundenbuch, Erster Band, Perthes, Besser & Mauke, Hamborg 1842, Sied 127f
- ↑ http://www.feuerwehr-buchholz.com/%C3%BCber-uns/geschichte/
- ↑ http://www.quelkhorn.de/Kriegsende%201945.htm
- ↑ Sammlung der Gesetze, Verordnungen und Ausschreiben für das Königreich Hannover vom Jahre 1861. Kius, 1861, Sied 39
- ↑ a b http://www.quelkhorn.de/Leere%20Seite%202.htm
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 97: http://books.google.de/books?id=Q 5OAAAAcAAJ&pg=PA97
- ↑ C. H. Jansen: Statistisches Handbuch des Königreichs Hannover. 1824, Sied 494: http://books.google.de/books?id=tG0AAAAAcAAJ&pg=PA494
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 171: https://books.google.de/books?id=qTZDAQAAMAAJ&pg=RA1-PA171
- ↑ http://www.gemeindeverzeichnis.de/gem1900/gem1900.htm?hannover/achim.htm
- ↑ a b c http://www.verwaltungsgeschichte.de/achim.html