Twistenbossel

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Zeven Gemeen: Heeßel
Inwahners:
Postleettall:	27432
Vörwahl:	04766
Geograafsche Laag:	53° 21′ N, 9° 17′ O

Twistenbossel (hoochdüütsch Twistenbostel) is en lütten Oort in de Gemeen Heeßel (Samtgemeen Zeven) in’n Landkreis Rodenborg, Neddersassen.

Geografie

Twistenbossel liggt an dat rechte Över von de Twiest.

De Naveröörd sünd Annerlingen in’n Noordoosten, Tzassenholt in’n Oosten, Meinst un Offens in’n Süüdoosten, Brauel in’n Süden, Godenst in’n Süüdwesten, Seedörp in’n Westen un Haßel un Sürsen in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Sürsen in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör. 1932 is dat denn Deel von’n ne’en, grötteren Kreis Bremervöör worrn un 1977 von’n Landkreis Rodenborg.

1907 is Twistenbossel von de Gemeen Haßel na de Gemeen Tzassenholt wesselt. De Oort is an’n 1. März 1974 as Deel von de Gemeen Tzassenholt mit de Gemeenreform in Neddersassen an de Gemeen Heeßel kamen.

Inwahnertall

Johr	Inwahners
1793-00-001793	1 Füürsteed
1824-00-001824	1 Füürsteed
1848-00-001848	9 Lüüd, 1 Huus
1871-12-011. Dezember 1871	12 Lüüd, 1 Huus

Religion

Twistenbossel is evangeelsch-luthersch präägt un höört to dat Kaspel von de St.-Lamberti-Kark in Sürsen.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Weertschop un Infrastruktur

Verkehr

In’n Süden von Twistenbossel löppt de Kreisstraat 134 langs, de in’n Oosten na Tzassenholt un Steddörp an de Landsstraat 124 geiht un in’n Süüdwesten bi Brauel an de Bundsstraat 71. De B 71 löppt in’n Noordwesten över Sürsen na Bremervöör un in’n Süüdoosten na Zeven un Rodenborg. Ans gifft dat von Twistenbossel lüttjere Straten na Seedörp, Haßel un Annerlingen.

De nächste Autobahn is de Autobahn 1. De Opfohrt 48 Elsdörp liggt so 15 Kilometer in’n Süüdoosten von Twistenbossel.

De nächste Bahnhoff is so bi 16 Kilometer wied weg in’n Noorden de Bahnhoff Kutenhult an de Bahnlien Bremerhoben–Buxthu. Fröher hett dat in de Neegd ok Bahnhööv an de Bahnlien Bremervöör–Wasra geven. Dat weren de Bahnhoff Sürsen söven Kilometer in’n Noordwesten un de Bahnhoff Zeven söven Kilometer in’n Süüdwesten. Dor hett dat von 1890 bet 1968 Personenverkehr geven.