Steddörp (Landkreis Rodenborg)
Dit Woort hett noch annere Bedüden: kiek dorför ünner Steddörp (Landkreis Ülzen).
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04287 | |
| Geograafsche Laag: | Koordinaten:53° 21′ N, 9° 24′ O53° 21′ N, 9° 24′ O | |
|
| ||
Steddörp (hoochdüütsch Steddorf) is en Dörp in de Gemeen Heeßel in’n neddersassischen Landkreis Rodenborg (Wümm). To Steddörp höört de lütten Öörd Braak un Flassbarg to. Fröher hett ok een von de Hööv von Stuhenfieren to Steddörp tohöört, aver dissen Hoff gifft dat nich mehr.
Geografie[ännern | Bornkood ännern]
Steddörp liggt ruchweg in de Mitt twüschen Bremen un Hamborg. Jüst as vele Dörper in de Sietlannen vun de Geest tekent sik ok Steddörp dordör ut, dat dat Dörp teemlich langtogen is. De meisten Hüüs staht an de Hööftstraat, Nevenstraten gifft dat blots wenig. Steddörp is dormit en tyypsch Stratendörp. Dat Ümland is ländlich prägt un warrt to en groten Deel vun landweertschoplich Flachen innahmen. In de Bueree warrt vör allen Swien un Melkveeh hollen.
Dör Steddörp flütt de Knüllbeek.
Historie[ännern | Bornkood ännern]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Bevern in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
Steddörp is mit de Gemeenreform in Neddersassen an’n 1. März 1974 Deel von de Gemeen Heeßel worrn, de to de Samtgemeen Zeven höört.
Religion[ännern | Bornkood ännern]
Steddörp is evangeelsch-luthersch präägt un höört to dat Kaspel von de Vitus-Kark in Heeßel.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Kulturell Leven[ännern | Bornkood ännern]
De Dörpsgemeenschap warrt bestimmt dör den Sportvereen SV Teutonia Steddörp un dör de Freewillige Füerwehr. Bito gifft dat en Kinnerspeelkreis, en Gastweertschap, de Bueree-Bedrieven un en Warksteed för Landmaschinen. De Landschap ümto is fein för Utfohrten mit dat Fohrrad oder to’n Spazeergang.
Opfallig un al vun wieten to sehn is en Feernsehtoorn, de twüschen Steddörp un Sellhorn liggt.