Flassbarg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04287 | |
| Geograafsche Laag: | Koordinaten:53° 21′ N, 9° 24′ O53° 21′ N, 9° 24′ O | |
|
| ||
Flassbarg (hoochdüütsch Flachsberg) is en lütten Oort in de Gemeen Heeßel (Samtgemeen Zeven) in’n Landkreis Rodenborg, Neddersassen. De Oort höört polietsch von öllers bi Steddörp mit bi.
Geografie
[ännern | Bornkood ännern]Flassbarg liggt an’n Knüllbeek, güntsied de Steed, an de de Sellhorner Beek in’n Knüllbeek münnt.
De Naveröörd sünd Steddörp in’n Noordoosten, Sellhorn in’n Oosten, Bötzenbossel in’n Süden, Bötzen in’n Süüdwesten un Sellhoop un Wens in’n Noordwesten.
Historie
[ännern | Bornkood ännern]De Hoff op’n Flassbarg weer fröher en Narichteree, dat heet, dat dor en Schinner arbeidt hett.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Bevern in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
Flassbarg höört von öllers to Steddörp. De Gemeen Steddörp is mit de Gemeenreform in Neddersassen an’n 1. März 1974 Deel von de Gemeen Heeßel worrn, de to de Samtgemeen Zeven höört.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 1 Füürsteed |
| 1848[2] | 6 Lüüd, 1 Huus |
| 1. Dezember 1871[3] | 3 Lüüd, 1 Huus |
Religion
[ännern | Bornkood ännern]Flassbarg is evangeelsch-luthersch präägt un höört to dat Kaspel von de Viti-Kark in Heeßel.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Flassbarg liggt nich wied af von de Landsstraat 124, de in’n Süüdwesten över Bötzen un Heeßel na Zeven an de Bundsstraat 71 ran geiht un in’n Noordoosten över Wangersen un Ohlers na Harsfeld un Stood. Von Steddörp ut geiht in’n Oosten de Kreisstraat 134 na Sellhorn, Groot Ippens un Vierden un in’n Westen na Sellhoop.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so ölven Kilometer in’n Süüdoosten von Flassbarg.
De nächste Bahnhoff is so bi 15 Kilometer wied weg in’n Noordoosten de Bahnhoff Harsfeld an de Bahnlien Bremerhoben–Buxthu.
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 186: http://books.google.de/books?id=tG0AAAAAcAAJ&pg=RA1-PA186
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 172: https://books.google.de/books?id=qTZDAQAAMAAJ&pg=RA1-PA172
