Vitus-Kark (Heeßel)

Vun Wikipedia
(wiederwiest vun Viti-Kark (Heeßel))
De Kark in Heeßel vör 1900 tekent von Heinrich Vogeler (noch mit’n Rundtoorn)

De Vitus-Kark is de Kark von dat evangeelsch-luthersche Kaspel Heeßel (Karkenkreis Bremervöör-Zeven). Ehren Naam hett se von’n Hilligen Vitus.

Historie[ännern | Bornkood ännern]

961 is dat Klooster Heeßel grünnt worrn. To de Tied is woll ok de Kark boot worrn. Dat weer en Bo ut Feldsteen in’n Stil von de Romanik. 1141 is dat Klooster denn ümtagen na Zeven (Klooster Zeven).

In dat 12. Johrhunnert hett de Kark, de vörher wohrschienlich en Holtdeek harr, en Krüüzgewölv kregen. De laatgootsche Flögelaltar is ut dat 14. Johrhunnert. De hölten Kanzel mit Baldachin is von 1593.

1620 hett de Kark brennt. Dorbi sünd ünner annern dat Dack, de Toornspitz un dat Gestöhl bi verbrennt. De achteckige barocke Dööpstänner is von 1644.

De Kark harr fröher en runnen Toorn. 1897 is in’n Stil von de Neegotik de hüdige veereckige Toorn ut roden Backsteen boot worrn.

Örgel[ännern | Bornkood ännern]

De Örgel is 1895 von Heinrich Röver boot worrn.

Pastoorn[ännern | Bornkood ännern]

  • 1707–1727: Jacob Christian Biedenweg
  • 1727–1737: Hinrich Johann Drave
  • 1816–1865: Johann Jacob Meier
  • 1866–1878: Gustav Krome
  • 1. Mai 1891–14. Februar 1919: Otto Vogelsang
  • 30. November 1919–1. Oktober 1950: Johannes Lüdemann
  • 2009–: Volker Michaelsen
  • Mai 2012–: Holger Hiepler

Kaspel[ännern | Bornkood ännern]

To dat Kaspel Heeßel höört de Öörd Bötzen (mit Bötzenbossel un Oosterbötzen), Brauel, Heeßel, Meinst, Offens, Oosterheeßel, Steddörp (mit Braak, Flassbarg un Sellhorn), Tzassenholt, Weertzen (mit Hanraad), Wens (mit Bohnst, Sellhoop, Stuhenfieren un Viehbrook) un Wiersdörp (mit Adiek un Ahoff).

De Naverkaspels sünd Ohlers in’n Noordoosten, Zittens in’n Oosten, Elsdörp in’n Süden, Zeven in’n Süüdwesten un Sürsen in’n Noordwesten.

Annerswat[ännern | Bornkood ännern]

An’n 3. März 1901 hebbt Heinrich Vogeler un Martha Schröder in de Kark freet.

Weblenken[ännern | Bornkood ännern]


Koordinaten:53° 19′ N, 9° 20′ O