Gooshuus
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27446 | |
| Vörwahl: | 04764 | |
| Geograafsche Laag: | Koordinaten:53° 24′ N, 9° 8′ O53° 24′ N, 9° 8′ O | |
|
| ||
Gooshuus (hoochdüütsch Gosehus) is en Hoff in de Gemeen Sandbossel (Samtgemeen Sürsen) in’n Landkreis Rodenborg, Neddersassen. De Oort höört polietsch al von öllers bi Sandbossel mit bi.
Geografie[ännern | Bornkood ännern]
Gooshuus liggt dicht bi de Oost.
De Naveröörd sünd Sandbossel in’n Noorden, Falje in’n Oosten, Stoppelheid un Ochenhusen in’n Süüdoosten, Olenborg in’n Westen un Mintenborg in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Bevern in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör un na 1932 in’n ne’en, grötteren Kreis Bremervöör. 1977 is dat Deel von’n Landkreis Rodenborg worrn.
Gooshuus hett von öllers to de Gemeen Sandbossel tohöört. Von 1965 bet 1974 hett de Gemeen Sandbossel to de ole Samtgemeen Sürsen tohöört. De is an’n 1. März 1974 mit de Gemeenreform in Neddersassen oplööst worrn. Sietdem höört dat Rebeed to de gröttere Gemeen Sandbossel in de gröttere Samtgemeen Sürsen.
Inwahnertall[ännern | Bornkood ännern]
| Johr | Inwahners |
|---|---|
| 1793[1] | 1 Füürsteed |
| 1824[2] | 1 Füürsteed |
| 1848[3] | 5 Lüüd, 1 Huus |
| 1. Dezember 1871[4] | 7 Lüüd, 1 Huus |
Religion[ännern | Bornkood ännern]
Gooshuus is evangeelsch-luthersch präägt un höört to dat Kaspel von de Lamberti-Kark in Sürsen.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Gooshuus liggt dicht an de Kreisstraat 101, de in’n Süüdoosten över Ochenhusen na Sürsen an de Bundsstraat 71 ran geiht un in’n Noorden na Sandbossel. Von Sandbossel geiht de K 101 över Mintenborg un Klenkendörp na Fohrendörp. Na Noorden geiht dor von de K 101 de K 148 af, de na Bremervöör föhrt.
De nächste Autobahn is de Autobahn 1. De Opfohrt 48 Elsdörp liggt so 25 Kilometer in’n Süüdoosten von Gooshuus.
De nächste Bahnhoff is so bi teihn Kilometer wied weg in’n Noorden de Bahnhoff Bremervöör an de Bahnlien Bremerhoben–Buxthu. Fröher hett dat in de Neegd ok en Bahnhoff an de Bahnlien Bremervöör–Wasra geven. Dat weer de Bahnhoff Sürsen söss Kilometer in’n Süüdoosten. Dor hett dat von 1890 bet 1968 Personenverkehr geven.
Footnoten[ännern | Bornkood ännern]
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 85: https://books.google.de/books?id=jN5QAAAAcAAJ&pg=RA1-PA85
- ↑ C. H. Jansen: Statistisches Handbuch des Königreichs Hannover. 1824, Sied 216: http://books.google.de/books?id=tG0AAAAAcAAJ&pg=PA216
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 145: https://books.google.de/books?id=qTZDAQAAMAAJ&pg=RA2-PA145